Ўткир Ҳошимов: Узун кечалар (юмшоқ муқова)

Элимизнинг атоқли ва ардоқли адиби, Ўзбекистон халқ ёзувчиси Ўткир Ҳошимов ХХ аср адабиёти ривожига салмоқли ҳисса қўшганлардан бири ҳисобланади. Унинг одоб-ахлоқ, маънавий олам, миллий қадриятлар, шўро даври адолатсизликларини ишонарли ёритган очерк ва телекўрсатувлари, қисса ва романлари ҳамда ҳикояларида оддий инсон тақдири ва қалбининг кечинмалари заргарона ифода этилган. Унинг «Дунёнинг ишлари» асари Давлат мукофотини олгани бежиз эмас. Бу асар она ҳақидаги, она қалбининг чексиз саховати тўғрисидаги ўзига хос қасидадир. У минг-минглаб ўзбек оналарининг тимсолига айланди.

«Ҳикоялар хазинаси» рукни остида нашр этилган мазкур «Узун кечалар» тўпламига ҳам унинг турли мавзулардаги ҳикоялари жамланган бўлиб, адибнинг бошқа китоблари каби китобхонлар томонидан катта қизиқиш билан қабул қилинади, деган умиддамиз. Тақдим этилаётган ҳикояларда ўша давр руҳини сақлаб қолиш мақсадида шаҳарлар ва айрим атамалар номи аслиятга асосан қолдирилди.