Sherkon Qodiriy: Kunlarning birida Tohir Malik

O‘zbekiston xalq yozuvchisi, el sevgan adib, sermahsul ijodkor, o‘nlab kitoblar muallifi Tohir Malik bugun oramizda emas. Qalbi pok, ochiq ko‘ngil, ko‘plarning maslakdoshi va ustozi bo‘lgan bu inson hali-hamon yodga olinadi, ezgu ishlari, o‘zgalar bilan muomala-munosabati xususida bot-bot yoziladi. Bitiklarda marhum adibning aksar kishilar bilmagan fazilatlari, ezgu amallari eslanadi.Qo‘lingizdagi kitob ana shunday xotiralardan biri. Sevimli adib bilan uzoq yillar nafaqat hamkorlik qilgan, balki qadrdon inilardek yaqin munosabat bog‘lab kelgan Sherkon Qodiriy yuksak ehtirom, go‘zal lutf, samimiy satrlar ila xalq sevgan yozuvchisiga hurmatini bayon etgan. Kitobni o‘qir ekansiz, Tohir Malikning oliyjanobligi, oddiy-kamtarligi, bir so‘z bilan aytganda, benazir inson bo‘lganiga yana bir karra amin bo‘lasiz.Kitobda, shuningdek, ustoz adib asarlarida foydalanilgan hikmatlar, u kishining hayoti va ijodi solnomasi ham o‘rin olgan.