Шеркон Қодирий: Кунларнинг бирида Тоҳир Малик

Ўзбекистон халқ ёзувчиси, эл севган адиб, сермаҳсул ижодкор, ўнлаб китоблар муаллифи Тоҳир Малик бугун орамизда эмас. Қалби пок, очиқ кўнгил, кўпларнинг маслакдоши ва устози бўлган бу инсон ҳали-ҳамон ёдга олинади, эзгу ишлари, ўзгалар билан муомала-муносабати хусусида бот-бот ёзилади. Битикларда марҳум адибнинг аксар кишилар билмаган фазилатлари, эзгу амаллари эсланади.Қўлингиздаги китоб ана шундай хотиралардан бири. Севимли адиб билан узоқ йиллар нафақат ҳамкорлик қилган, балки қадрдон инилардек яқин муносабат боғлаб келган Шеркон Қодирий юксак эҳтиром, гўзал лутф, самимий сатрлар ила халқ севган ёзувчисига ҳурматини баён этган. Китобни ўқир экансиз, Тоҳир Маликнинг олийжаноблиги, оддий-камтарлиги, бир сўз билан айтганда, беназир инсон бўлганига яна бир карра амин бўласиз.Китобда, шунингдек, устоз адиб асарларида фойдаланилган ҳикматлар, у кишининг ҳаёти ва ижоди солномаси ҳам ўрин олган.