Said Ahmad: Yo‘qotganlarim va topganlarim (lotin)

Ushbu kitob muallifi - O‘zbekiston Xalq yozuvchisi Said Ahmad hozirgi kunda unutilmas xotiralarga aylangan atoqli adabiyot arboblari bilan uzoq vaqt birga bo‘lgan. Ularga safarlarga hamrohlik qilgan. Xalqimiz ardog‘idagi bu benazir insonlarning nurla kunlarida ham, alam-iztirob chekkan onlarida ham yonlarida bo‘lgan. Xotiralarda adabiy to‘qimalar yo‘q. Tasvirlangan voqealar sinchkovlik bilan kuzatilgan, yozuvchining o‘tkir nigohidan o‘tgan sof haqiqatdir.

Kitobning birinchi bobida tilga olingan va ajib mehr bilan tasvirlangan ustozlar endi yo‘q. Ular xalqqa, vatanimiz badiiy xazinasiga qimmatbaho gavharlar qoldirib yo‘qlik sari ketganlar.

Kitobning ikkinchi bobida xalq hurmatiga sazovor bo‘lgan yozuvchilar, kitob muallifi shogirdlari to‘g‘risida qaynoq fikrlar bayon qilinadi.

Uchinchi bobda goh nurli, goh nursiz kunlarni boshdan kechirgan muallifning iztiroblari, ko‘p mashaqqatlar bilan topgan iqboli to‘g‘risida ta’sirli fikrlar bayon qilinadi.

O‘ylaymizki, bu asar o‘quvchilarni befarq qoldirmaydi. Ularni o‘ylashga chorlab, bu yorug‘ kunlarda yashash baxti qanchalar mashaqqatlar hisobiga kelganini bayon qiladi.