Safar Olloyor: Qalb saltanati

Zamonaviy o‘zbek adabiyotining yorqin namoyondasi, o‘z ijodiy izlanishlari orqali jahonshumul muvaffaqiyatlarga erishgan isteʼdodli shoir Safar Olloyorning mazkur "Qalb saltanati" nomli tanlangan asarlar to‘plamining 2-jildi 1-jildidagi singari ilgari eʼlon qilinmagan asarlardan, hatto shu paytgacha hammadan sir saqlangan sheʼriyatdagi yangi janr - eshsonetlardan va ilk bor nashr etilayotgan navbatdagi serhikmat qo‘shsatrlardan tarkib topgan. Tom maʼnoda, ushbu mutlaq original kitob badiiy adabiyot uchun ham, sohaning chinakam mutaxassisu muhiblari uchun ham nodir tuhfadir. Zero, muallif bugungi o‘zbek sheʼriyati orqali "ESHSONETLAR" degan dilbar lirik istilohda yangi nazmiy janrga asos solib, birato‘la 500 ta eshsonetlar bitar ekan, ularda, umuman, ham nozik, ham (vazn, ohang, turoq, hijo va qofiya talablari bois) imkoniyati chekli poeziyada ilk bor Parvardigori olamning muborak 99 ta, xalq orasidagi 36 ta, jami 135 ta (toq) ismlaridan asosiy mazmunga mos foydalanganligi - mazkur asarning har tomonlama mukammal monumental maqom kasb etishidan dalolat beradi.

Shuningdek, Safar Olloyor muxlislariga taqdim etgan ushbu original ijodiy tuhfasida boshlang‘ich qismlari 1-jildda chop etilgan, o‘zi asos solgan Sharq sheʼriyatidagi moʻjaz sheʼriy shakl "Qo‘shsatr" nomli ikki misradan iborat eng ihcham nazmiy kashfiyotining navbatdagi turkumlari ham donishmandona falsafiy durdonalar jamlanmasidir. Binobarin, qo‘lingizdagi mazkur saylanma nafaqat Sharq, balki jahon badiiyat olamida kam uchraydigan quvonarli ijodiy hodisa, xiradmand o‘zbek xalqi maʼnaviy-estetik tafakkuri takomilining Yuksak darajotini namoyon qiladigan bebaho badiiy yaratiq. Bu noyob kashfiyo