Noila Xolmuhammad: Onalik maqomi

Ayolning yelkasidagi yuklar qancha og‘ir, jarohatlari qancha ko‘p bo‘lsa, uning onalik hayotidagi to‘siqlar ham shunchalar ko‘p bo‘ladi. Tashvishlari ko‘p onalar onalik qilishga imkon topolmaydilar. Bu yo‘lda albatta unga suyanch tirgak va yordamchilar kerak. Uni tushunadigan, qo‘llab quvvatlaydigan dastak kerak.

Salgina shabbodadan xasta bo‘ladigan, onaning butun ruhiy holatini o‘ziga sut bilan birga so‘rib oladigan bir parchagina bu mavjudlikni INSON holiga keltirmoq sizningcha oson ishmi?

Millatning sifati onalarning o‘z rolini ijro etishiga, o‘z vazifasida qolishiga bog‘liq. Onaning o‘z o‘rnida bo‘lishi - insonlikning baxti demakdir. Jamiyatdagi haqsizliklar, oilalardagi zo‘ravonliklar, adolatsizliklar ayolning asl vazifalaridan uzoqlashishiga olib keladi. Bundan ko‘z yummoq buyuk bir g‘aflatdir.