Ноила Холмуҳаммад: Оналик мақоми

Аёлнинг елкасидаги юклар қанча оғир, жароҳатлари қанча кўп бўлса, унинг оналик ҳаётидаги тўсиқлар ҳам шунчалар кўп бўлади. Ташвишлари кўп оналар оналик қилишга имкон тополмайдилар. Бу йўлда албатта унга суянч тиргак ва ёрдамчилар керак. Уни тушунадиган, қўллаб қувватлайдиган дастак керак.

Салгина шаббодадан хаста бўладиган, онанинг бутун руҳий ҳолатини ўзига сут билан бирга сўриб оладиган бир парчагина бу мавжудликни ИНСОН ҳолига келтирмоқ сизнингча осон ишми?

Миллатнинг сифати оналарнинг ўз ролини ижро этишига, ўз вазифасида қолишига боғлиқ. Онанинг ўз ўрнида бўлиши - инсонликнинг бахти демакдир. Жамиятдаги ҳақсизликлар, оилалардаги зўравонликлар, адолатсизликлар аёлнинг асл вазифаларидан узоқлашишига олиб келади. Бундан кўз юммоқ буюк бир ғафлатдир.