Mario Bryulman: Tadbirkorlar uchun o'nta amr

Maʼlumki, har qanday kompaniyani boshlash, uni kengaytirishdan maqsad muvaffaqiyatga erishishdir. Konsepsiyalar ish bermog‘i darkor va omilkorlik bu borada juda katta rol o‘ynaydi. Shu vaqtning o‘zida, haqiqiy muvaffaqiyatga qachonki kompaniyaga daromad kelishidan tashqari unga aloqador tomonlar va butun atrofdagilarning turmush darajasi yaxshilansagina erishiladi.

Biznes va iqtisod masalalariga bag‘ishlangan mazkur to‘plamda Mario Bryulman ish boshqarishning eng muhim elementlariga eʼtibor qaratadi va barcha keraksiz narsalarni chetga suradi. Muallif bir qator, muayyan vaziyatlarni ko‘rib chiqadi, tegishli ko‘rsatmalarni beradi, rag‘batlantiradi va nasihat qiladi. U Muqaddas Kitobdagi o‘nta amrda berilgan tushunchalarni muntazam va tushunarli ravishda o‘zining biznes-iqtisodiy muhokamalariga ulashtirib, bu bilan iqtisodiy boshqaruv va biznes axloqiy prinsiplarining bir-biri bilan qanchayin bog‘liq ekanligini ko‘rsatadi.

Shveysariya, Ruminiya, Moldova, Albaniya, Nepal, Vyetnam va Markaziy Osiyo mamlakatlarida minglab startaplar va kompaniyalarning kengaytirilishi bilan bog‘liq misollar ushbu kitobda berilgan materiallarga manba bo‘lib xizmat qiladi.

Mario Bryulman 1951 yilda tug‘ilgan. Hozirda xalqaro boshqaruv ishlari bo‘yicha maslahatchi, rahbar xodimlarning murabbiyi lavozimida ish olib boradi. 2009 yilda u "Swiss Consulting Group" ning notijorat bo‘limi - "Swiss Create" ga asos soldi. Faoliyatiga kelsak, u xususan endi-endi oyoqqa turib, rivojlanayotgan mamlakatlarda kichik va o‘rta biznesni rivojlantirish konsepsiyalarini taqdim qilishga ixtisoslashgan bo‘lib, bundan mavjud ish o‘rinlarni saqlab qolish va yangi ish o‘rinlari yaratish ko‘zda tutiladi.