Malkolm Gladuell: Zukkolar va landavurlar (qattiq)

Bu foniy dunyo hayotini adolatli deb boʻlmaydi. Negaki, unda pul, hokimiyat, shon-shuhrat va omad odamlarning barchasiga teng taqsimlangan emas. Nega ayrim odamlarning hamma narsasi bor, boshqalarda esa hech vaqo yoʻq? Omadning sabablarini faqat insonning tabiat inʼom etgan shaxsiy fazilatlari bilan bogʻlash toʻgʻrimikin?

Malkolm Gladuell har doim mutlaqo tasodif hisoblab kelingan muvaffaqiyatlarning zamirida yotgan yashirin qonuniyatlarni topgan birinchi insondir. Bu qonuniyatlar nega aksariyat buyuk xokkeychilar faqat yanvarda tugʻilganligini va hech qachon oktyabrda tugʻilmasligini, nima uchun matematikani osiyolik talabalar boshqalardan koʻra osonroq oʻzlashtirishini, nega Nyu-Yorkning eng obroʻli advokati boʻlish uchun albatta yahudiy boʻlish lozimligini tushuntirib beradi. Bu kitob Bill Geyts, “Bitlz” va Motsart kabi shaxslarni nima bogʻlab turishini hamda ular nega oʻz tengdoshlaridan oʻzib ketganligini koʻrsatadi.



“Zukkolar va Landavurlar” — yuqori darajadagi muvaffaqiyatga hissa qoʻshadigan omillarni oʻrganadigan ajoyib kitob. Muallifning taʼkidlashicha, biz koʻpincha imkoniyat va vaziyatning roliga emas, balki shaxsiy isteʼdodga juda koʻp eʼtibor qaratamiz. Kitobda berilgan yana bir tushuncha — bu “Metyu effekti”. Bu boylar boyib boradi, kambagʻallar esa qashshoqlashadi, degan fikr. Gladuellning taʼkidlashicha, bu hodisa nafaqat pulga, balki imkoniyatlarga ham tegishli. Imtiyozli sharoitlarda tugʻilganlar muvaffaqiyatga erishish uchun zarur imkoniyatlarga ega boʻlish ehtimoli koʻproq boʻlar ekan.



Zukkolar va Landavurlar — bu muvaffaqiyat haqidagi anʼanaviy tushunchamizni shubha ostiga qoʻyadigan oʻylantiruvchi kitob. Katta yutuqlarga hissa qoʻshadigan omillarni tushunishga qiziqqan har bir kishi oʻqishi foydali boʻladi.



Bu kitobni oʻqish uchun baʼzi sabablar:
• Muvaffaqiyat haqidagi taxminlaringizni shubha ostiga qoʻyadi.
• Imkoniyat va vaziyatning roli haqida yangi nuqtai nazar beradi.
• Sizga amaliyotning ahamiyatini oʻrgatadi.
• Davomli harakat tugʻma talantdan foydaliroq ekanini koʻrsatadi.



“Zukkolar va landavurlar” — “qanday qilib muvaffaqiyatli inson boʻlish” boʻyicha qoʻllanma emas. Bu siz foydalanishingiz mumkin boʻlgan hayot qonuniyatlari olamiga zavqli bir sayohatdir. Kitob necha yil davomida “New York Times” va “Amazon” bestsellerlari roʻyxatidan tushmagan ushbu kitobni koʻplab mutaxassislar muvaffaqiyat haqidagi eng jiddiy kitob deb talqin etishgan. U tushunarli, aniq, maʼlumotga boy va qiziqarli tarzda yozilgani sabab koʻplab kitobxonlarga manzur boʻladi.

Kitob talabalarga, oʻqituvchilarga, oʻquvchilarga, tadbirkorlarga, umuman muvaffaqiyat qonunlarini kashf etish, oʻz ishida professional boʻlishni, biror bir sohani oʻrganishni xohlaydiganlarga tavsiya etiladi.