Qudratxo'ja Musayev: Pocket Vocabulary B1

B1

Pocket Vocabulary — bu Oxford lug‘ati tomonidan taqdim etilgan ingliz tilida eng ko‘p ishlatiluvchi 3000 ta so‘zga asoslangan kitob bo‘lib, u sizga ushbu so‘zlarni samarali yodlashingizda yordam berishni maqsad qilgan. Ushbu kitob ingliz tilida boshlang‘ich va o‘rta darajadagi bilimga ega o‘quvchilar uchun mo‘ljallangan.

Kitobdan foydalanish orqali so‘zlarni yozib chiqish uchun ketadigan umumiy hisobda 10000 daqiqaga vaqtingiz tejaladi. Sinonim, so‘z birikmalari va misol gaplar tufayli so‘zlarni eslab qolishda uni aktiv so‘z boyligingiz orasiga qo‘shilish ehtimoli yuqori bo‘ladi. Kitobdagi so‘zlarni o‘z cho‘ntagingizga sig‘adigan kartochkalar shaklida qirqib olishingiz va yoningizda olib yurib istalgan joyda foydalanishingiz mumkin. Tajribadan o‘tmagan yangicha yo‘llardan emas, balki sinalgan, ekspertlar tomonidan tavsiya etiluvchi hamda keng qo‘llaniluvchi usul orqali yangi so‘zlarni yodlaysiz.

Kitob so‘zlarning qiyinlik darajasiga ko‘ra beshta: A1, A2, B1, B2, C (C1 va C2 bitta) qismlarga bo‘lingan. Hozir qo‘lingizda turgan kitob ularning uchinchi B1 qismi bo‘lib, unda Oxford ro‘yxatidagi 1055 ta so‘z jamlangan. Feʼl so‘z turkumlari alohida yozilgani sababli kitobdagi so‘zlar soni 1270 ta.

Kitob har bir sahifasiga 10 ta so‘z quyidagi kartochkalar ko‘rinishida joylashtirilgan:

Har bir kartochka o‘z ichiga:

• so‘z;

• so‘z turkumi;

• so‘z darajasi;

• so‘zning kitobdagi tartib raqami;

• tarjima;

• sinonim va antonimlar;

• so‘z ishtirokidagi birikmalar va ularning tarjimalari;

• so‘z ishtirok etgan gaplarni oladi.

Mualliflar:

Qudratxo‘ja Musayev — kitob g‘oyasi hamda uning yozilishidagi asosiy muallif. Toshkent axborot texnologiyalari universiteti bitiruvchisi. IELTS imtihonidan 7.5 va 8 ballik, xususan Reading bo‘limidan 8.5 va 9 ballik natijalar qayd etgan.

Iroda Jo‘rayeva — kitob muharriri. Buxoro davlat universiteti bitiruvchisi. “Elis Monro hikoyalar to‘plami” tarjimonlaridan biri. Til oʻqitish markazlari va onlayn platformalarda ingliz tilidan dars berish tajribasiga ega. Shuningdek, bir qator loyihalarda tarjimon sifatida qatnashib kelmoqda.

Madina Mavlonova — kitob muqovasi dizayni muallifi. Telegramdagi @illustros kanali asoschisi

Bundan tashqari kitob ustida 10 ga yaqin odam umumiy hisobda 50000 soatdan ko‘p mehnat qilishgan.