Kuchli va mustaqil ayollar uchun to‘plam

Robert Grin: Mahorat
Jamiyat va mamlakat taqdiri undagi mohirlar, haqiqiy professionallar, o‘z ishining ustalariga bog‘liq.

Mohir va buyuk insonlarning buyukligi nimada? Ular qanday qilib hamma tan olgan mahoratga erishgan?

Inson o‘zidagi iste’dodlarni qanday rivojlantirsa, butun jamiyatga naf keltiradigan ijodkor, olim, shifokor, san’atkor yoki hunarmandga aylanadi?

Robert Grin «Mahorat» kitobida shu savollarga javob berishga harakat qiladi. Kitobda chinakam professionalga aylanish uchun qanday ko‘nikmalar zarurligi tushuntiriladi. Iste’dodini o‘z vaqtida va to‘g‘ri yo‘naltirgan, boyita olganlarda mohirlar safidan joy olish imkoniyati bugun juda katta. Hatto bu borada ajdodlarimizdan ancha omadlimiz. Ishonmayapsizmi?

«MAHORAT» — so‘zimizning yaqqol isboti. U qalbingizda yangi bir mohirni kashf etish, o‘z ishingizning haqiqiy ustasi bo‘lishingiz uchun ishtiyoq uyg‘otishiga ishonamiz!

Mey Mask: Rejali ayol. Baxtli hayot qoidalari (yumshoq muqova)

Ushbu kitobda mashhur milliarder Ilon Maskning onasi Mey Mask o‘zining murakkab, lekin mazmunli hayoti to‘g‘risida so‘zlaydi. Asarni o‘qib, Mey Mask naqadar mustaqil va jasur ayol ekanidan hayratlanasiz. U o‘zining boy hayotiy tajribasidan kelib chiqib, go‘zallik, sog‘lik, baxt va farzand tarbiyasi sirlarini biz bilan baham ko‘radi. Boy kasbiy va hayotiy tajribaga ega Mey Mask nafaqat ayollar, balki erkaklar uchun ham muvaffaqiyatli inson namunasidir. Uning hikoyasi bizni to‘kis va erkin yashashga, dunyo ko‘rishga hamda mudom yangi imkoniyatlar izlashga ilhomlantiradi. Ehtimol, turmushimizdagi ayrim to‘siqlarni yengishda, zerikarli bir xillikdan xalos qilishda Mey Maskning tajribasi asqatar...

Jordan Piterson: Hayot uchun 12 qoida. Tartibsizlikka qarshi malham

Gʻoliblikni qisqichbaqadan o‘rganish kerakligini bilasizmi? Qanchalik hayratlanarli eshitilmasin, bu haqiqat. Kanadalik psixolog Jordan Piterson o‘zining "Hayot uchun 12 qoida" nomli bestsellerida bu va boshqa haqiqatlarni tushuntiradi. Mazkur kitobda ishonchli do‘st, fahmli turmush o‘rtoq, oqil ota-ona va kuchli inson bo‘lish hamda qanday xatolar qilmaslikka oid maslahatlar mujassam. Ushbu maslahatlar oldinga yurish, qiyinchiliklarni yengish va mazmunli yashashga yordam beradi.

Stiven R. Kovi: Muvaffaqiyatli insonlarning 7 ko‘nikmasi (Fleksibl muqova)

Muvaffaqiyatli insonlarning 7 ko‘nikmasi — Stiven Kovining shaxsiy va professional o‘sishga yo‘naltirilgan, dunyo bo‘ylab millionlab odamlarni ilhomlantirgan ajoyib kitobidir. Kitob birinchi bor 1989 yilda nashr qilingan va 2011 yil avgustda "Time" jurnali ushbu kitobni asosiy biznes kitoblarning 25 talik ro‘yxatiga kiritgan. Kitob bugungi kunga qadar 40 dan ortiq tilga tarjima qilingan va butun dunyo bo‘ylab 40 milliondan ortiq nusxada sotilgan.