Komil Sindarov: Or-nomus xuni

«Tergovchi» seriyasining navbatdagi asari е'tiboringizga havola qilinayotganidan mamnunmiz. Ushbu kitob seriyadagi 16-kitob bo'lib, mavzu markaziga olinayotgan or-nomusning toptalishi qanday salbiy oqibatlarga olib kelishi, bir kishining noto‘g‘ri xatti-harakatlari ortidan turli-tuman qabihliklarga qo‘l urilishi yoritilgan. Shuningdek, jinoyat sodir etuvchilari qanchalik puxta tayyorgarlik ko‘rgan bo‘lishmasin ularni topishda asar bosh qahramonlari – Faxriddin va Sanjarbeklar va tezkor-tergov guruhi faol a’zolarining sa’y-harakatlari besamar ketmaganligining guvohi bo‘lamiz.
     Kitobni o‘qish davomida, bir tarafdan, jamiyatning ayrim a’zolari bilib-bilmay noto‘g‘ri yo‘llarga kirib qolayotganligi, ularning axloq, tarbiya, xulq borasida qay darajada tubanlashib borayotganligi va buning natijasida yuzaga kelayotgan baxtsizliklar vujudingizda og‘riq hosil qilsa, ikkinchi tarafdan, sizu bizni hushyorlikka, yon-atrofda bo‘layotgan hodisalarga befarq bo‘lmaslikka chorlaydi.