Jubron Xalil Jubron: Devona

TARJIMONDAN 

Qadrli kitobxon, lubnon arablaridan boʻlmish Jubron Xalil Jubron magʻrib- u mashriqda birday dongdor, birday sevimli yozuvchi, shoir, rassom va faylasuf hisoblanadi. Uning eng mashhur asarlaridan biri – "Al- Mustafo" ("The ProphЕТ") hamda" Qayrilgan qanotlar" qissasi, qator hikoyalari ustoz tarjimonlar tomonidan muqaddam oʻzbek tiliga o'girilgan. Ammo bugungi kitobХОnlar Jubron Xalilni hali yaxshi tanimaydilar, boisi uning kulliyoti oʻqirman qoʻliga kitob holida deyarli yetib bormagan. Ushbu asar esa kaminaning tarjima borasidagi ilk yaxlit ishi hisoblanadi. Muallif Amerikada istiqomat eta boshlaganidan so'ng ingliz tilida yozilgan birinchi asari-" Devonaning rivoyatlari" bilan tanishar ekansiz gohi nazmga esh uslubni, goh masal va rivoyatlarga ХОs qisqalikni koʻrasiz. Buning boisi shundaki, kitobning asliyatdagi nomlanishi" The Madman. his parables and poems" boʻlib," Devonaning rivoyatlari va she'rlari" tarzida tushuniladi. Uslubdagi qavariqlik, gaplardagi ayni sintaktik qoliplarning faol takrori ham shundan. Bunday" chalkashlik ” ni koʻrib ensangiz qotmasin degan istihola bilan eskartma bermoqdamiz. Ehtimolki, tarjimada bizning salohiyatimiz yetmagan qirralar topilar, ojiz qalamimizni oqlamoq niyatidan Хolimiz. Ilk ishimizda baholi qudrat ko'mak bergan ustozlarga minnatdorchilik bildiramiz. Kamina Jubron Xalil Jubron qalamiga mansub koʻplab nodir asarlarni tarjima qilish va qoʻlingizga yetkazishni maqsad qilgan. Sizga mazkur asar va uning tarjimasi manzur kelsa, ulug' adib ijodidan qilinajak kelgusi o'girmalarimizga ruhiy qanot bo'lur edi. 

Shohrux Usmonov