"Jahon tartiboti" to'plami chegirma narxda

"Jahon tartiboti" to‘plami

Kitoblar ro‘yxati:

1.   Daron Ajemo‘g‘li, Jeyms A. Robinson: Mamlakatlar tanazzuli sabablari: qudrat, farovonlik va kambag‘allik manbalari (Fleksibl muqova)

Ajoyib va qiziqarli yozilgan «Mamlakatlar tanazzuli sabablari» asari asrlar davomida mutaxassislarni hayratda qoldirgan savolga ishonchli va izchil asoslangan yangi nazariya bilan javob beradi: Nega ba’zi mamlakatlar boy va boshqalar kambag‘al, boylik va qashshoqlik, sog‘liq va kasallik, oziq-ovqat va ocharchilik bo‘yicha bo‘lingan?

2.  Piter Hopkirk: Katta o‘yin. Ikki imperiya to‘qnashuvi

Ushbu kitob mintaqada qariyb bir asr davom etgan siyosiy o‘yinlar, gilam osti diplomatiyasi, qonli janglar va katta hududni o‘z ta’siri doirasiga tushirish uchun xalqaro bosim haqida qiziqarli tilda hikoya qiladi. Hikoya bo‘lganda ham voqealarni o‘z ko‘zlari bilan ko‘rgan shohidlarning hikoyalari.
Geosiyosiy bir o‘yin tarzida kechgan bu kurashda tomonlar kim ko‘proq va kattaroq hududni egallash payida edi. Chor Rossiyasi Hindistonga chiqish, inglizlar tasarrufidagi hududni o‘ziniki qilishni ko‘zlasa, Britaniya imperiyasi bunga goh bufer davlatlar yaratish, goh Hindiston mulki chegaralarini kengaytirish orqali qarshi turadi. Rossiya ham inglizlar egallab olmasidan burun xonliklarni o‘z imperiyasiga qo‘shib olishga oshiqadi.

3.  Henri Kissenjer: Jahon tartiboti

XX asrning eng mashhur diplomati, AQSH sobiq Davlat kotibi va Nobel mukofoti sovrindori Henri Kissinjerning ushbu asari xalqaro munosabatlar dunyosiga teran nigoh tashlash imkonini beradi. Muallif o‘z hayotiy tajribasi va tarixiy bilimlariga tayangan holda, dunyo nega bugungi holatga kelib qolgani va bizni oldinda nimalar kutayotgani haqida fikr yuritadi.

4.  Samuel Fillips Hantington: Sivilizatsiyalar to‘qnashuvi va yangi dunyo tartibi

Samuel Fillips Hantingtonning «Sovuq urush davridan keyingi dunyoga bag‘ishlangan ushbu asari o‘tgan asr 90 yillarining eng mashhur geosiyosiy risolalaridan biri bo‘lib, bugungi kunimizning siyosiy voqeligini tahlil qiladi va butun sayyoramiz sivilizatsiyasining global rivojlanishi yuzasidan prognozlarni ilgari suradi.

Hantingtonning ushbu tarixiy va falsafiy risolasi iqtisodiy, harbiy va siyosiy qudratning kelgusida Gʻarbdan jahonning boshqa sivilizatsiyalariga tomon katta siljishi yuz berishi ehtimolini aniqlaydi. Sizningcha, bu qaysi sivilizatsiya bo‘lishi mumkin? Xitoymi yoki islom, balki hind sivilizatsiyasi jahon yetakchiligiga da’vo qila olar? Bu haqda muallif qarashlari va shaxsiy fikr-mulohazalaringizni solishtirib ko‘rish imkoni endi sizda mavjud.

Jami - 419 000 so‘m
Chegirmada - 339 000 so‘m

Narxlar faqat shu to‘plam uchun xaridga amal qiladi.