Xadicha Kubro Tongar: Farzand Tarbiyasidagi 100 moʻjizaviy yechim

Inson dunyoga keladi, voyaga yetadi, sevib seviladi va turmush quradi. Erkak va ayol o‘rtasida o‘rnatilgan “muhabbat rishtasi” orqali yangi bir hayotga poydevor qo‘yiladi. Garchi bu tabiiy jarayon bo‘lsada, ayolning bo‘lajak onaga aylanishi, aslida, ko‘ringanidek oson emas. Aksincha, onalik bu ehtimollar nisbatiga ko‘ra, milliondan bir holatda ro‘y beradigan “moʻjizaviy” sayohatdir.

Mazkur kitob dastlabki lahzasidan boshlab vujudi va ruhida behisob moʻjizaga zamin bo‘lgan onalar uchun bitilgan. Ushbu kitob har bir ona boshidan o‘tkazgan kunlari zahmat emas, aslida mayda qadamlar tashlagan xolda muhabbat bilan davom ettira oladigan rahmat moʻjizasi ekanligini bilsinlar, deya yozilgan. Kitobda ona-bola munosabatining asosini tashkil etgan «bog‘langanlik rishtasi» jarayoni qanday bo‘lishi kerak, taomlanish jarayoni kun davomida qanday tashkil etilishi lozim, go‘daklik va bolalik davrida tabiiy hol sanalgan uyqusizlik, bedor tunlarni qanday qilib halovatli uyquning qo‘liga topshirish kabi masalalarning yechimi tajriba va misollar, amalda sinalgan usullar bilan birgalikda onajonlar eʼtiboriga havola qilingan. Chunki onalik moʻjizadir va har bir ona moʻjizaviy yechimga ega bo‘lishga loyiqdir...