G'ayrat Sheraliev: Bir sevdimki, naryog'i yo'q

Shoir G‘ayrat Sheraliyevning o‘ta xalqchil, o‘ynoqi, yurakka yaqin sheʼrlarini o‘qir ekansiz, inson ruhiyatining go‘zal manzaralarini, tuyg‘ularning o‘ziga xos ifodalarini ko‘rasiz. Ayniqsa, yumorga boy sheʼrlarda ham beg‘ubor hayajon, pishiq falsafa bor. Insonni o‘ziga ohanraboday tortguvchi sheʼrlarning o‘z ritmi, ohangi, uslubi borligi tufayli bo‘lsa kerak, ko‘pgina sheʼrlari taniqli sanʼatkorlar tomonidan qo‘shiq qilib kuylanmoqda.

Kitobni o‘qib o‘zbek sheʼriyatida o‘z o‘rniga, o‘z ovoziga ega shoir shakllanganini anglaysiz. Shoirning orzu-armonlari, fikr-o‘ylari qalbga yorqin taassurot bag‘ishlaydi, o‘quvchini yaxlit mushohadaga undaydi.

G‘ayrat Sheraliyevning mazkur sheʼriy to‘plami sizga albatta manzur bo‘ladi.