Cho'lpon ijodi va zamonaviy adabiy jarayon

Bugun yurtimiz mustakillikka erishganiga chorak asrdan oshdi. Unga erishish uchun yuz yildan ham ko'proq kurashdik. Bu kurashning boshida turganlarning qancha-qanchasi o'z e'tiqodi yo'lida - erk yo'lida, Vatan ozodligi yo'lida jonini qurbon qildilar. Ulardan biri - Abdulhamid Sulaymon o'g'li Cho'lpondir. Mahmudxo'ja Behbudiy, Abdurauf Fitrat, Abdulla Qodiriy va boshqa ko'plab jadidlar qatorida turib xalq ozodligi uchun kurashgan, millat dardi bilan yashagan, uning o'sishini, yuksalishini istab tinimsiz kurashgan, ijod qilgan va keyingi davr shoiru adiblariga qanot bo'lgan Cho'lpon izidan otashin adabiy meros qoldirdi. Konferensiya materiallarini o'zida jamlagan ushbu kitobda respublikamizdagi taniqli olimlar, cho'lponshunoslar, adabiyotshunos va yosh tadqiqotchilarning Abdulhamid Sulaymon o'g'li Cho'lponning hayot yo'li, ijodiy merosi va u yashagan zamon va makondagi ijtimoiy-siyosiy, adabiy hodisalar, shoir adabiy merosining dunyo miqyosida o'rganilishi bilan bog'liq fikrlari va xulosalari taqdim etilgan.