Britannika. Eng yangi bolalar ensiklopediyasi. Biz bilganimiz va bilmaganimiz haqida

«Britannika» ensiklopediyasi 1768 yildan beri qiziquvchilar va o‘rganuvchilarga quvonch ulashib kelmoqda. Mazkur kitob ushbu anʼananing davomchisi sifatida sizni butun Olam va tarix bo‘ylab ajoyib sayohatga olib boradi. Bu kitob orqali sizda qora tuynukka sho‘ng‘ish (va u yerdan eson-omon qaytish!) hamda o‘rta asr qalʼasiga sayohat qilish, shuningdek kelajakka nazar tashlash va Yerda biz uchun eng muhim bo‘lgan narsalarni bilib olish imkoniyati beriladi. Har safar kitobni varaqlaganingizda, o‘zingiz uchun yangi bilim kashf qilasiz va, ehtimol, men kabi sudralib yuruvchilar bobini o‘qiganingizda biroz qo‘rqib ketasiz ham ...

Ammo kitobning har bir sahifasi qanchalik hayratlanarli va qiziqarli bo‘lmasin, biz siz bilan baham ko‘rayotgan bilimlar har doim ham bir xil bo‘lib qolib ketmaydi. Bu, o‘z o‘rnida, biz kutgan narsa bo‘ladi. Maʼlum va mashhur sir-sinoatlarni izohlab beruvchi boblarni sinchiklab o‘qib chiqing. Bizga ushbu kitobni yaratishda yordam bergan olimlar, tadqiqotchilar va chuqur bilim sohiblari o‘zlarining kundalik hayotlarida bilimlarning chegaralarini belgilab beradigan kishilardir.

Ular o‘zlarining ehtiroslari va aniqlikka bo‘lgan sadoqatlari bilan harakat qilishadi va barchamizga dunyoni yaxshiroq tushunishga yordam berishadi. Bu esa biz hali bilmagan bilimlarni egallashni o‘z ichiga oladi.

Biz faktlar muhim deb hisoblaymiz va barcha maʼlumotlarni, shu jumladan ushbu sahifalarning har birini aniq faktlarni tekshirish orqali aniqlikka intilamiz.

«Britannika» ensiklopediyasi o‘zining 250 yildan ortiq faoliyati davomida surishtiruv va qidiruv ishlarini olib borish, mutaxassislar bilan ishlash va innovatsiyalarni rivojlantirishga sodiqdir.