Британника. Энг янги болалар энциклопедияси. Биз билганимиз ва билмаганимиз ҳақида

«Британника» энциклопедияси 1768 йилдан бери қизиқувчилар ва ўрганувчиларга қувонч улашиб келмоқда. Мазкур китоб ушбу анъананинг давомчиси сифатида сизни бутун Олам ва тарих бўйлаб ажойиб саёҳатга олиб боради. Бу китоб орқали сизда қора туйнукка шўнғиш (ва у ердан эсон-омон қайтиш!) ҳамда ўрта аср қалъасига саёҳат қилиш, шунингдек келажакка назар ташлаш ва Ерда биз учун энг муҳим бўлган нарсаларни билиб олиш имконияти берилади. Ҳар сафар китобни варақлаганингизда, ўзингиз учун янги билим кашф қиласиз ва, эҳтимол, мен каби судралиб юрувчилар бобини ўқиганингизда бироз қўрқиб кетасиз ҳам ...

Аммо китобнинг ҳар бир саҳифаси қанчалик ҳайратланарли ва қизиқарли бўлмасин, биз сиз билан баҳам кўраётган билимлар ҳар доим ҳам бир хил бўлиб қолиб кетмайди. Бу, ўз ўрнида, биз кутган нарса бўлади. Маълум ва машҳур сир-синоатларни изоҳлаб берувчи бобларни синчиклаб ўқиб чиқинг. Бизга ушбу китобни яратишда ёрдам берган олимлар, тадқиқотчилар ва чуқур билим соҳиблари ўзларининг кундалик ҳаётларида билимларнинг чегараларини белгилаб берадиган кишилардир.

Улар ўзларининг эҳтирослари ва аниқликка бўлган садоқатлари билан ҳаракат қилишади ва барчамизга дунёни яхшироқ тушунишга ёрдам беришади. Бу эса биз ҳали билмаган билимларни эгаллашни ўз ичига олади.

Биз фактлар муҳим деб ҳисоблаймиз ва барча маълумотларни, шу жумладан ушбу саҳифаларнинг ҳар бирини аниқ фактларни текшириш орқали аниқликка интиламиз.

«Британника» энциклопедияси ўзининг 250 йилдан ортиқ фаолияти давомида суриштирув ва қидирув ишларини олиб бориш, мутахассислар билан ишлаш ва инновацияларни ривожлантиришга содиқдир.