Абдиғаффор Гадаев, Уткур Миршарипов: Одам анатомияси

Одам анатомияси тиббиётнинг фундаментал фанларидан бири ҳисобланади. У талабаларни бўлажак мутахассислик фанларини чуқур ўрганишлари учун замин яратади. Дарслик тиббиёт олий ўқув юртларининг бакалавриат таълими йўналиши бўйича даволаш иши (60910200), педиатрия иши (60910300), тиббий профилактика иши (60910400), стоматология (60910100), тиббий биология иши (60910600) ва халқ табобати (60911100) факультетларининг ўқув режасига мос равишда тайёрланган. Шунингдек, ундан тиббиёт техникумларининг талабалари ҳам фойдаланишлари мумкин.

Китоб ҳозирга қадар республикамизда одам анатомияси фанидан нашр этилган дарсликлардан бир мунча фарқ қилади. Унда келтирилган кўп сонли рангли расмларда мушаклар ва ички аъзоларнинг анатомик тузилиши билан бир қаторда уларни қон ва нерв билан таъминланиши, вена ҳамда лимфа томирлари йўналишлари келтирилган.

Бундай ёндашиш нафақат бўлғуси шифокорга инсон организмига бир бутунликда қараш имкониятини яратади, балки китобни амалиётда ишлаётган врачлар учун ҳам муҳим қўлланмага айлантиради.