Birgalikda arzon! Raqamli qal'a + Anomaliya

Raqamli qal’a – Den Braun

Bu kitob zamonaviy adabiyotning eng mashhur yozuvchilaridan biri – Den Braunning ilk romanidir. Asar 1998-yilda yozilgan bo‘lib, yozuvchi o‘z hayotida guvoh bo‘lgan real voqealardan ilhomlangan. NSA (Milliy xavfsizlik agentligi) – dunyoning eng sirli tashkilotlaridan biri bo‘lib, fuqarolarni kuzatish va axborotni himoya qilish bilan shug‘ullanadi. Den Braun aynan ushbu mavzuni markazga olib, zamonaviy texnologiyalar, shifrlash tizimlari va maxfiy xizmatlar haqida hayajonli syujet yaratgan.

Romanda texnologik xavfsizlik, vatanparvarlik, fitna va ehtirosli sevgi chizgilari o‘zaro chambarchas bog‘langan. Syujetning kutilmagan burilishlari, tez rivojlanishi va voqealarning AQSh, Ispaniya, Yaponiya kabi mamlakatlarda kechishi kitobxonni o‘ziga rom etadi.

Den Braunning oddiy va jozibali uslubi ushbu romanni nafaqat sarguzasht asarlar ishqibozlari, balki zamonaviy texnologiyalar va kiberxavfsizlik bilan qiziqadigan o‘quvchilar uchun ham qiziqarli qiladi.

---

Anomaliya – Erve Le Tellye

"Anomaliya" – fransuz yozuvchisi Erve Le Tellyening detektiv, fantastika va psixologik drama elementlarini o‘zida mujassam etgan romani. Ushbu asar nufuzli Gonkur mukofotini qo‘lga kiritib, qisqa fursatda bestsellerga aylangan va 40 dan ortiq tillarga tarjima qilingan.

Syujet markazida – Parijdan Nyu-Yorkka uchayotgan samolyotning g‘ayritabiiy hodisa sabab ikki marta paydo bo‘lishi yotadi. Natijada, yo‘lovchilarning hayoti butunlay o‘zgaradi va ular o‘z taqdirlari ustidan nazorat yo‘qolayotganini his qilishadi. Insoniyat hayotning mohiyati, voqelik va identiklik haqida qayta fikr yuritishga majbur bo‘ladi.

Roman inson ruhiyatining murakkab jihatlarini ochib berib, tasavvurlarni shubha ostiga qo‘yadi va mavjudlik haqidagi fundamental savollarga o‘quvchini javob izlashga undaydi. Bu – oxirgi sahifani yopganingizdan keyin ham uzoq vaqt yodingizda qoladigan asardir.

📚 Ikki kitobni birgalikda xarid qilib, 60 ming so‘m foyda ko‘ring!