Bir umrlik ramazon lotin (yashil)

Aziz do‘stim, bu sahifalarni yozishdan oldin ko‘pchilik insonlar zoye etayotgan, uning ahamiyatini bilmayotgan vaqt haqida gapirmoqchimiz. Molda bo‘lgani kabi vaqtning sarf etilishida ham tadbirli va tejamkor bo‘lish lozim. Albatta molni to‘plab, ishlatib yana unga ega bo‘lishingiz mumkin, ammo butun dunyo boyliklarini yig‘ib ham o‘tgan vaqtingizni qaytara olmaysiz.Insonning vaqti uning miqdori tayin etilganligi, umrning belgilab qo‘yilganligi, unga inson aralasha olmasligi bilan qimmatlidir. Shu sababli har bir inson o‘z vaqtini eng foydali ishlarga sarf etishi va u keltirishi mumkin bo‘lgan fazilatlardan o‘zini mahrum etmasligi kerak.

Inson o‘z vaqtini muhofaza etishi uchun uni qayerga va qanday sarf etishni bilishi kerak. Vaqt sarf etilishi kerak bo‘lgan eng muhim o‘rin esa, albatta, xayrli amallardir. Unga sarflangan vaqt uchun aslo pushaymon bo‘linmaydi. Agar shu o‘rinda ham bir pushayonlik bo‘lsa, bu faqat vaqtida xayr va hasanotlarni ko‘paytirmaganlik uchun bo‘ladi.
Ey do‘stim, maqsadingizni aniq belgilab, niyatingizda samimiy va ixlosli bo‘ling va vaqtingizdan unumli foydalanishni boshlang!

Riyo chumolining oyoq izidan ham mayda,ko‘rinmaydigan va bilinmaydigan, ammo eng xavfli, insonni tahlikaga qo‘yuvchi amaldir. Bu kundalik faqat odatlarni shakllantirish uchundir, o‘z amalimizga o‘zimiz baho berishimiz uchun emas. Shu sababli quyida keladigan amallar faqat Yaratgan uchundir!....