Bahodir Karim: Abdulla Qodiriy fenomeni

Har bir avlod Abdulla Qodiriy ijodini o‘zicha o‘qiydi, uqadi, tasavvur qiladi, ardoqlaydi. Adib romanlari har qanday o‘quvchiga hayotiyligi, go‘zalligi, milliyligi, tozaligi, tirikligi, adabiy ko‘lami, tasvir jozibasi, taʼsir quvvati bilan zavq-shavq bag‘ishlaydi. Bahodir Karimning ushbu kitobida Qodiriyshunoslik tarixi, adib hayoti va ijodiga dunyo olimlarining munosabati badiiy mahorat, birinchi o‘zbek romanining qadr-qiymati, boshqalarga taʼsiri, xronotopi, maʼnaviy-axloqiy talqini, umuman, badiiy matni tadqiqiga oid manbalar jamlangan. Olim yozuvchining yurak dardini his etgan, adabiy-estetik idealini tushungan va baholi qudrat tushuntirgan. O‘quvchi kitob sahifalarida Abdulla Qodiriy ijodining yangicha talqinlarini, ilovada esa asarlarining ilk nusxalaridan ayrim namunalar o‘qiydi. Umid shulki, Abdulla Qodiriy qoldirgan maʼnaviy mulk o‘tmishga aylanmaydi, zamonlar bilan birga yuradi, kelajakka xizmat qiladi. Shu maʼnoda kitobdagi hayratu haqiqatlar, talqinu topildiqlar Abdulla Qodiriy fenomenini, ulug‘ adibning megaobrazini tasavvur qilishda siz azizlarga yordam beradi, albatta.