Alisher Umirdinov: Talaba do'stimga 78+ tavsiya

Universitet yoki institutdagi 4 yil siz uchun umringizdagi eng qadrli davr. Bu davrda siz TALABA deya nomlanib, oilangiz aʼzolari ham o‘qishdan boshqa masalalarda sizdan katta yordam kutishmaydi. Demak, talabalik bir maʼnoda oila va jamiyat oldida eng kam masʼuliyat talab etiladigan davr hamdir. Ammo «oltin davringiz» tugashi bilan oilangiz va jamiyat sizdan katta ishlar kutishni boshlashadi. Vaholanki, umidlaringizga qarshi yuqori maoshli ish sizni kutib turgani yo‘q. O‘zbekiston mehnat bozoridagi raqobat kun sayin qiziganidan qizimoqda. Ko‘ngildagidek ish topish esa hecham oson emas.

Do‘ppini bir chetga qo‘yib, tafakkur qilishga urinib ko‘ring: nima qilsak, universitet ostonasidan chiqqanimiz hamon hayotimizning silliq va farovon kechishiga erishish mumkin? Qanday qilib biz maoshi va muhiti yaxshi bo‘lgan mehnat jamoasining aʼzosi bo‘lishimiz mumkin? Universitetni bitirmay turib ham bizni ishga oluvchilar ishonchini qozonish uchun qanday amaliy qadamlarni tashlashimiz kerak? Nima qilsak keyin afsus chekmaymiz? Ushbu kitob talabalarning mana shunday savollariga javob topish maqsadida nashrga tayyorlandi.