Abbos Said: Qazoi qadar

Abbos Said - bugungi zamonaviy adabiyotimizda o‘z o‘rniga ega, ko‘plab muxlislar tomonidan eʼtirof etilgan adib. U «Xon chorboqqa tun cho‘kkanda», «Besh kunlik dunyo», «Ko‘chada qolgan odam» kabi asarlarida insonning ruhiy olamini tasvirlash orqali jamiyatdagi barqaror qadriyatlar, davomli illatlar hamda insonga bog‘liq bo‘lgan tom maʼnodagi munosabatlar xususida teran fikrlarini bayon etadi.

Qo‘lingizdagi katta kitob-«Qazoi qadar» muallifning hayotiy kuzatishlari inʼikosi, borliq va yo‘qlik orasidagi mavjudotning haqiqiy vazifasiyu pirovardidagi ahvolini bir-da ochiq, bir-da istehzo bilan ifodalaydi. Undagi qahramonlar muallifning dastlabki asarlarida ham uchraydi. Kitobxon obrazlarni qayta uchratar ekan, ularning taqdiridan to‘liqroq xabardor bo‘ladi. Tasvir va tahlilning birligi o‘quvchi uchun hayotiy bir sahnani yorqin namoyish etadi.