"Asaxiy Books yil bestsellerlari 2022" to‘plami

Xabaringiz bor, har yili “Asaxiy Books yil bestsellerlari” roʻyxatini eʼlon qilamiz. Roʻyxatdan, www.asaxiy.uz internet-doʻkoni orqali Oʻzbekiston boʻylab eng koʻp sotilgan 20ta kitob joy oladi. Mana nihoyat 2022-yilda eng koʻp sotilgan kitoblar roʻyxatini eʼlon qilish vaqti keldi. Ushbu roʻyxatda 2021-yil 1-dekabrdan 2022-yil 1-dekabrga qadar eng koʻp sotilgan kitoblar oʻrin olishdi.

Asaxiy Books yil bestsellerlari 2022:

1. Jeyms Klir: Atom odatlar — 45.000 soʻm

Kitob haqida qisqacha: “Atom odatlar” oʻsish va muvaffaqiyat haqidagi fikrlaringizni oʻzgartiradi hamda sizga odatlaringizni oʻzgartirishda zarur boʻlgan qurol va strategiyalarni taqdim etadi. Xoh chempionatda gʻalaba qozonishni istayotgan jamoa boʻling, xoh sohaga qayta jon berishga umid qilgan tashkilot, yoki shunchaki chekishni tashlashni, ozishni, stressni kamaytirishni yoki yana boshqa bir maqsadga erishishni xohlayotgan oddiy inson boʻling, bu kitob sizga naf keltirmay qolmaydi.

Kitobdan iqtibos: Oʻzingizning kimligingizni oʻzgartirishning eng amaliy yoʻli — qilayotgan ishingizni oʻzgartirishdir.

2. Jorj Oruell: Molxona — 29.000 soʻm

Kitob haqida qisqacha: “Molxona” mashhur ingliz yozuvchisi Jorj Oruell tomonidan 1945-yilda chop etilgan antiutopik janrdagi asardir. Asar fermadagi hayvonlarning xoʻjayinlarini haydab, hayvonlar diktaturasini oʻrnatishi haqida. Bunda Oruell inqilobiy prinsiplar evolyutsiyasini, yaʼni sekin-asta tenglik va birodarlik gʻoyalaridan utopiya va diktatura sari qadamini mohirona ochib bergan. “Molxona” Rossiyada boʻlib oʻtgan 1917 yilgi inqilobga va SSSRdagi tuzumga nisbatan allegoriya shaklida yozilgan.

Kitobdan iqtibos: Insonning oʻziga xos belgisi — uning qoʻllaridir, bu qoʻl yordamida u oʻzining barcha yovuzliklarini amalga oshiradi.

3. Kel Nyuport: Diqqat: Chalgʻituvchi dunyoda muvaffaqiyat sirlari — 49.000 soʻm

Kitob haqida qisqacha: Ishda, oʻqishda diqqatingizni jamlay olmaysizmi? Doim Telegram, Instagram va boshqa ijtimoiy tarmoqlar sizni chalgʻitadimi? Demak, AQShlik professor Kel Nyuportning maslahatlari aynan siz uchun. Diqqatni jamlab, chalgʻimasdan oʻz faoliyati bilan shugʻullanish muammoga aylangan zamonda professor oʻzining ilmiy asosga ega maslahatlari bilan sizga yordamga keladi. Kitobda eng muhim mavzu, keraksiz kichik narsalarga chalgʻimasdan, diqqatni murakkab va muhim vazifalarga jalb qilish haqida yozilgan.

Kitobdan iqtibos: Zamonaviy dunyoda zarur kadr boʻlib qolish uchun murakkab narsalarni tezda oʻrganish mahoratiga ega boʻlishingiz kerak.

4. Stiven R. Kovi: Muvaffaqiyatli insonlarning 7 koʻnikmasi — 59.000 soʻm

Kitob haqida qisqacha: Kitob doimo muvaffaqiyatga intiluvchilar uchun. U insonning rivojlanishi, hayot mazmuni va voqea-hodisalarga javobi haqida. Stiven Kovi juda koʻplab liderlik, muvaffaqiyat, samaradorlik mavzusidagi kitoblarni nafaqat oʻqigan, balki tahlil ham qilgan. Asarda koʻplab mashhur (shunchaki mashhur emas, balki oʻzini maksimal darajada rivojlantirib, ichki xotirjamlikka erishgan)lardan misol keltiriladi. Ulardan eng yorqini — Viktor Frankl, “Hayotga “Ha” deyish: konslager Psixologi” kitobi muallifidir.

Kitobdan iqtibos: Liderlar tugʻilmaydi va boshqalar tomonidan yaratilmaydi, balki ular oʻzlarini oʻzlari kashf qiladi.

5. Mark Menson: Beparvolikning nozik sanʼati — 29.000 soʻm

Kitob haqida qisqacha: “Yillar mobaynida bizga ijobiy fikrlash – baxtli va muvaffaqiyatli hayotning kaliti, deya uqtirib keldilar. Ortiq bunday boʻlmaydi. Ijobiylikka tupuring,” – deydi Mark Menson. Menson ilmiy tadqiqotlar xulosalari va oʻrinli oʻtkir hazillari yordamida oʻz argumentini quvvatlaydi. Muallif imkonimiz cheklanganini bilib, buni boricha qabul qilishni maslahat beradi.Kitobni oʻqir ekansiz, muallif koʻngilochar hikoyalar-u achchiq hazillar bilan yelkangizdan silkib, mudroqdan uygʻotgandek boʻladi.

Kitobdan iqtibos: Chindan-da baxtli odam koʻzgu qarshisiga oʻtirib olib, oʻzini haqiqatdan ham baxtli ekanligini oʻziga takrorlamaydi. Unga bundan nima naf? U shunday ham baxtiyor.

6. Yona Berger: Yuqumlilik. Mahsulot va gʻoyalar qanday ommalashadi — 60.000 soʻm

Kitob haqida qisqacha: Mahsulot va gʻoyalarning tilga tushishi va ommalashuvi sababi nimada? Nega baʼzi maʼlumotlarni odamlar bir-biriga ulashadi? Gʻoyalar qanday omillar tufayli “virus” kabi keng tarqaladi? Bu kabi savollar oʻz mahsulot, xizmat va gʻoyalarini keng ommalashtirishni istaydigan har bir tadbirkor, marketologlar, jurnalistlar, matbuot kotiblari, PR menejerlar va blogerlarni qiziqtirishi shubhasiz. Ushbu kitobda Yona Berger ijtimoiy tarqaluvchanlik zamiridagi omillarni sodda va tushunarli tarzda bayon qilgan.

Kitobdan iqtibos: Zamonaviy hayot tarzi bizni doʻstlar va qoʻshnilardan ajratib qoʻydi.

7. Brayan Treysi: Samaradorlikning 21 yoʻli — 29.000 soʻm

Kitob haqida qisqacha: Kitob vaqtni toʻgʻri taqsimlash, ish yoki oʻqish jarayonini tashkillashtirish, hayot tarzini oʻzgartirish, natijada qanday qilib samaradorlikka erishish haqida nazariyadan uzoq, aniq maʼlumot va qoʻllanmalarni beradi. Kitob talabalar, tadbirkorlar, ishchilar, rahbarlar, kuni va vaqtini tartibni solishni xohlaydigan hatto uy bekalariga ham tavsiya qilinadi.

Kitobdan iqtibos: Agar biz undan toʻgʻri foydalana olsak, bizda hamisha yetarlicha vaqt topiladi.

8. Javlon Jovliyev: Qoʻrqma — 45.000 soʻm

Kitob haqida qisqacha: Roman voqealarini qisqacha soʻzlar bilan ifoda etib boʻlmaydi. Barchasi shu qadar tigʻizki, shoshirib qoʻyadi. Milliyat, sof muhabbat, koʻrinmas va oshkor fojialar, tarix, bugun va ertaning bir-biriga kavsharlangan halqasi, rostlik daʼvosidagi yolgʻonlar, ruh va qondagi paradokslar sizni oʻtmish va kelajak kuyiga asir qiladi, oʻylatadi, yigʻlatadi va achchiq-achchiq kuldiradi. Oʻtgan asr boshida Germaniyada oʻqigan talabalar, ular maslagi va fojiali qismati bugungi yoshlar maqsadi bilan bir taroziga tortiladi.

Kitobdan iqtibos: Ha, bu olamni faqat muhabbatgina yangilab, tozalab, uygʻotib turishga qodir.

9. Jorj Oruell: 1984 — 49.000 soʻm

Kitob haqida qisqacha: “1984” romani “BBS talqinidagi eng yaxshi 200 ta kitob” roʻyxatida sakkizinchi oʻrinni, Newsweek tomonidan insoniyat tarixidagi eng yaxshi kitoblar reytingida 2-oʻrinni egallagan. 2017-yilda ushbu kitob AQShda eng koʻp sotilgan kitob hisoblanadi. Asarning bunchalar shuhrat qozonishiga sabablarni kitobni oʻqish mobaynida bilib olishingiz mumkin.

Kitobdan iqtibos: Kimki oʻtmishni nazorat qilsa, kelajakni boshqaradi. Kim hozirgi vaqtni nazorat qilsa, oʻtmishni boshqaradi.

10. Jon G. Miller: SOS! Savol ortidagi savol — 25.000 soʻm

Kitob haqida qisqacha: Jon G. Millerning fikricha, kompaniyalar jabr koʻrayotgan bu muammolarni kimnidir ayblash orqali hal qilib boʻlmaydi. Masalaning chinakam yechimi har birimiz shaxsiy javobgarlikni his etganimizdagina topiladi. Miller oʻzining ushbu kitobida “Nima uchun hammasini biz bajarishimiz kerak?” yoki “Aybdor kim oʻzi?” singari salbiy va notoʻgʻri berilgan savollar odamlarda masʼuliyat yetishmasligidan darak beradi, deydi. “Vaziyatni yaxshilash uchun nima qila olaman?” yoki “Men qanday hissa qoʻshishim mumkin?” kabi toʻgʻri savollar esa hayotimiz va jamoamizni ham oʻzgartirib yuboradi.

Kitobdan iqtibos: “Qachon boshqalar soʻzining ustidan chiqadi?” deb soʻrash oʻrniga, keling, avval, oʻzimiz aytganlarimizga amal qilaylik.

11. Uolter Ayzekson: Stiv Jobs — 60.000 soʻm

Kitob haqida qisqacha: Zamonaviy dunyoning eng yirik biznesmenlaridan biri, innovator, Apple kompaniyasining asoschisi Stiv Jobsning muvaffaqiyat tarixi haqida yozilgan ushbu kitob bir necha yil davomida jahon darajasidagi bestsellerga aylanib ulgurdi. Kitobda siz otasi tashlab ketgan, onasi rad etgan bola qanday qilib dunyoning eng katta kompaniyasiga asos solishi tarixini oʻrganasiz. Bu ogʻir tabiatli, lekin dunyoni oʻzgacha koʻz bilan koʻra olgan, uni oʻzgartirishni xohlagan, informatsion texnologiyalari revolyutsiyasiga sababchi boʻlgan insonning hayoti haqidagi kitobdir.

Kitobdan iqtibos: Biron bir narsani juda yaxshi qilishning yagona usuli — bu qilayotgan ishingizni sevishdir.

12. Daron Ajemoʻgʻli, Jeyms A. Robinson: Mamlakatlar tanazzuli sabablari: qudrat, farovonlik va kambagʻallik manbalari — 70.000 soʻm

Kitob haqida qisqacha: Nega ayrim mamlakatlar farovonroq yashaydi? “Mamlakatlar tanazzuli sabablari” mualliflari ushbu savolga ishonchli va izchil asoslangan yangi nazariya bilan javob berishga bel bogʻlagan: farovonlik sababi iqlim, geografiya yoki madaniyat emas, balki mamlakatdagi institutlardir. Qadimgi Rim va tyudorlar davridan to zamonaviy Xitoygacha boʻlgan tarixiy va zamonaviy misollarga tayangan yetakchi olimlar – Daron Ajemoʻgʻli va Jeyms A. Robinsonning taʼkidlashicha, kuchi va mablagʻini tikishi uchun odamlar qattiq mehnat qilsa, boyishi mumkinligiga ishonishi zarur, bu esa innovatsiyaga ragʻbat, barqarorlik va tinchlikni taʼminlovchi ishonchli institutlar demakdir.

Kitobdan iqtibos: Biz koʻrsatib beradiganimizdek, mamlakatlarning tanazzulga uchrashi hokimiyat qoʻlida boʻlganlar qashshoqlik tugʻdiruvchi yoʻlni tanlashgani uchun hamdir.

13. Hans Rosling: Factfulness — 49.000 soʻm

Kitob haqida qisqacha: “Factfulness”da xalqaro sogʻliqni saqlash boʻyicha professor va global TED maʼruzachisi Hans Rosling ikki hamkori — Anna va Ola bilan birgalikda buning sababini yangicha yoʻsinda izohlaydi. Ular bizni adashtiruvchi oʻnta instinktni ochib bergan. Barcha nuqsonlariga qaramay, dunyo biz oʻylagandan ancha yaxshiroq holatdadir. Bu xavotirga hojat yoʻq degani emas, albatta. Biroq faktlarga asoslangan dunyoqarashni shakllantirish oʻrniga doim har narsadan xavotirlanaversak, tahlikaliroq narsalarga diqqat qarata olmaymiz. Qiziq va taʼsirli hikoyalarga boy, ilhombaxsh va xatolarni fosh qiluvchi “Factfulness” dolzarb kitob boʻlib, qarashlaringizni isloh qilib, kelgusi inqiroz va imkoniyatlarga tayyorlaydi.

Kitobdan iqtibos: Bizda aybdorni topish instinkti bor, ammo kamdan-kam holda koʻzguga qaraymiz.

14. Den Braun: Raqamli qalʼa — 45.000 soʻm

Kitob haqida qisqacha: “Raqamli qalʼa” romani adibning ilk romani boʻlib, asar 1998-yilda yozilgan. Asarning yozilishiga Den Braun hayotda oʻzi guvohi boʻlgan voqea sabab boʻladi. Asarda raqamli xavfsizlik, vatan xavfsizligi yoʻlida ishlaydigan jasur shaxslarning hayoti, ular uchraydigan xavf masalalari koʻtarilgan. Ushbu asarda ham vatanparvarlik, ham ehtirosli sevgi, ham qiziqarli maʼlumotlar, ham sizni oʻz dunyosiga sayohat qildiradigan ajoyib syujetni topasiz. Asar voqealari AQSh, Ispaniya, Yaponiya kabi mamlakatlar hududida oʻtishi, voqealarning tez va kutilmagan rivoji sizni oʻziga maftun qiladi.

Kitobdan iqtibos: Kuch ishlatsang, bu senga qarshi ishlaydi. Ammo raqibingni oʻz fikrlaringga ishontira olsang, u sening ittifoqchingga aylanadi.

15. Oldos Haksli: Ajib yangi dunyo — 39.000 soʻm

Kitob haqida qisqacha: “Ajib yangi dunyo“ ingliz yozuvchisi Oldos Hakslining 1931 yilda yozilib, 1932 yilda nashr etilgan, distopik, ijtimoiy-fantastik romanidir. U fuqarolari aql-idrokka suyanuvchi, ijtimoiy iyerarxiya tartiboti qaror topgan futuristik butunjahon mamlakati toʻgʻrisida hikoya qiladi. Unda reproduktiv texnologiyalar, uyqudagi taʼlim, ruhiyatga taʼsir va shartli reflekslarni shakllantirish sohalaridagi ulkan yutuqlar yordamida antiutopik jamiyat yaratiladi. Bu jamiyatga birgina inson — asarning bosh qahramoni qarshi chiqadi.

Kitobdan iqtibos: Ilmni tushunchasiz, uning mazmunini chaqmay turib oʻrganish mumkin emas...

16. Deniyel Kiz: Eljernonga atalgan gullar — 39.000 soʻm

Kitob haqida qisqacha: Deniyel Kiz asarni 14 yil mobaynida hayotida roʻy bergan voqealar bilan boyitib borgan. Asarning bir necha qismi aqli zaif inson tilidan soʻzlangan boʻlib, tarjimon qahramon tilini boricha — imloviy va uslubiy jihatdan saqlashga harakat qilgan. Asar matnidagi ayrim gʻayriodatiy, gʻalati jumlalar imloviy yoki uslubiy xatolar emas. Tarjimada ham muallifning ana shu uslubini imkon qadar saqlab qolishga harakat qilindi. Asar AQShda adabiyot boʻyicha maktab dasturiga kiritilgan kitoblardan biridir. Asar 1966-yilning eng zoʻr romani deb topilgan, “Nebula” va “Hyugo” mukofotini olgan.

Kitobdan iqtibos: Insoniy tuygʻularsiz bilim, bir tiyinga qimmat!

17. Henri Ford: Mening hayotim — 50.000 soʻm

Kitob haqida qisqacha: Dunyoning yuzlab mamlakatlarida minglab marta millionlab adadlarda nashr etilgan bu avtobiografik kitobni XX asrning buyuk menejerlaridan biri, ishlab chiqarishda oqim-konveyer yoʻlini joriy etgan, AQSh avtomobil sanoatining “otasi”, milliarder Henri Ford yozgan. Ford hayotining tilsimlari, muvaffaqiyatining sirlari haqida koʻplab asarlar bitilgan. Fordning bu hayotnomasi tarixiy qimmatidan tashqari, bugun ham islohotlar oʻtkazayotgan va oʻz ishi hamda hayotini ijodiy oʻzgartirishga chogʻlagan iqtisodchilar, injenerlar, konstruktorlar, ruhshunoslar, sotsiologlar, biznes tashkilotchilari va rahbarlari, hayotda muvaffaqiyatga erishaman degan har bir odam uchun dolzarb asardir.

Kitobdan iqtibos: Muvaffaqiyatli insonlar boshqalar behuda sarflayotgan vaqtdan foydalanib olgʻa boradilar.

18. Paulo Koelyo: Alif — 39.000 soʻm

Kitob haqida qisqacha: Ushbu asar qisman yozuvchining avtobiografiyasi ham boʻlib, falsafiy ruhda bitilgan. Eʼtiqodi va ruhiyatida inqiroz yuzaga kelgan adib shaxsiy takomil yoʻlini sayohatda deb biladi. U sayohati davomida kashf qilgan insonlar, voqea-hodisalar, mistik vaziyatlar va his-tuygʻularni kitobda batafsil aks ettirgan. Bu vaziyatga har bir kitobxon tushgan boʻlishi, u tuygan hislarni har bir shaxs tuyishi, oʻxshash hodisalarni boshdan kechirishi mumkin. Ushbu asar sufiylik, shamanlik va turli diniy taʼlimotlar haqida maʼlumotlarga boy. Injil va Qurʼondan ham oyatlar, sharhlar keltirilgan. Unda hayotda birgina vaqt borligi, u ham boʻlsa, hozirgi vaqt ekani aytiladi. Vaqt turgʻun emas. U mudom ilgarilaydi. Biz uning maʼlum bir nuqtasida mavjudmiz, xolos.

Kitobdan iqtibos: Odamlar bir-birlariga kerak boʻlganda uchrashishadi.

19. Larisa Burakova: Gruziya muvaffaqiyatga qanday erishdi — 50.000 soʻm

Kitob haqida qisqacha: Korrupsiyaga qarshi qanday kurashish mumkin?

Butun mamlakatni elektr va gaz bilan uzluksiz taʼminlashning iloji bormi oʻzi?

Odatda, korrupsiyani batamom yoʻqotish mushkulligini koʻp taʼkidlaydilar.

Ammo Mixaíl Saakashvili buning uddasidan chiqdi va Gruziyada juda qisqa muddatda korrupsiyani yetarli darajada keskin kamaytirdi, byurokratiya va ortiqcha ovoragarchiliklarga barham berdi, mamlakat iqtisodining sezilarli darajada oʻsishiga zamin yaratdi.

Iqtisodchi Larisa Burakovaning ushbu kitobida mana shu islohotlarga batafsil izoh berilgan. Nashr muallifning ikki yillik kuzatuvlari mahsuli boʻlib, ilk bor rus tilida 2011-yilda chop etilgan.

Kitobdan iqtibos: Islohotlar natijasini mustahkamlovchi asosiy omil mentalitetdir.

20. Den Braun: Ibtido — 60.000 soʻm

Kitob haqida qisqacha: Bu asar 2017-yil oktyabr oyida AQShda chop etilishiga qaramay, 2 oy ichida dunyoning 30dan ortiq tiliga tarjima qilindi va dunyo bestsellerlari sirasiga kirgan hisoblanadi. “Ibtido” — amerikalik muallif Den Braun qalamiga mansub triller asar boʻlib, Robert Lengdon seriyasida “Inferno”dan keyingi beshinchi kitob hisoblanadi. Asar voqealari asosan Ispaniyada, qisman Dubay va Budapeshtda yuz beradi. 2018 yil Avgust oyida asar “New York Times”ning eng yaxshi sotilgan kitoblar roʻyxatidan birinchi oʻrinni egallagan.

Kitobdan iqtibos: Muvaffaqiyat — bir muvaffaqiyatsizlikdan ikkinchisiga ishtiyoqni yoʻqotmay yetib olish.

Bestsellerlarning jami narxi: 920.000 soʻm

Toʻplamni super chegirma bilan 699.000 soʻmga xarid qilishingiz mumkin. Buyurtmalar Oʻzbekistonning istalgan hududiga yetkazib beriladi.

Toʻplamni oʻzingiz uchun xarid qilishingiz yoki yaqinlaringiz, oʻqigan oʻquv dargohlaringiz yoki kutubxonalarga hadya qilishingiz ham mumkin.