Yavuz Bahodiro‘g‘li: Sulton Salohiddin

Atoqli yozuvchi Yavuz Bahodiro‘g‘lining ko‘pgina asarlari, jumladan, qo‘lingizdagi «Sulton Salohiddin» romani qahramonlari uchun ham Vatan tuyg‘usidan buyuk, azizroq tuyg‘u yo‘qdir. Asar afsonaviy sarkarda va sulton Salohiddin Ayyubiyning elu yurtni Salibchilar hujumidan ozod qilish yo‘lida olib borgan kurashi haqida hikoya qilinadi. Shuningdek bugungi kunda keskin ziddiyatlar va xalqaro miqyosda tanglik yaratishi mumkin bo‘lgan yana bir o‘choq – Quddus voqealari ham tilga olingan.

Roman qahramonlari Sulton Salohiddin, oddiy askarlar Usmon, Bilolga xos bu olijanob xususiyatni tarixiy davrga, muayyan sharoitga bog‘lagan holda tasvirlagani yozuvchining ijodiy yutug‘idir. U roman qahramonlari taqdiri orqali Vatan ozodligi, el-yurt farog‘ati uchun kurashda ma’naviy-ruhiy birdamlik nechog‘lik muhim ahamiyatga ega ekanini, azmu qarorli, e’tiqodli, yagona g‘oyaga ishongan va haqiqiy rahnamo atrofida jipslashgan kishilarning nimalarga qodirligini ko‘rsatishning uddasidan chiqqan.

Kitob Turkiyada juda mashhur bo‘lib, shu kungacha 45 marta qayta nashr qilingan.