V.Chan Kim, Rene Moborn: Moviy ummon strategiyasi. Raqobatchilarsiz bozorni topish yoki yaratish strategiyalari

Har bir tadbirkor, rahbar va menejer o‘qishi shart bo‘lgan kitoblar bor. Ulardan biri «Moviy ummon strategiyasi. Raqobatchilarsiz bozorni topish yoki yaratish strategiyalari» kitobi hisoblanadi.

Raqobat juda kuchli, mijozlarni jalb qilish, bozorda o‘z o‘rniga ega bo‘lish, haqiqiy o‘ziga xos xizmat yoki mahsulot yaratish qiyin bo‘lgan holatlarda «moviy ummon strategiyasi» sizga yordamga keladi. Ushbu kitob iqtisodiyotda o‘ziga mos o‘rnini topishni ko‘zlagan har bir tadbirkorga tavsiya qilinadi.

Ushbu kitobning mualliflari "moviy ummon strategiyasi"ga qanday erishish mumkinligini yorqin misol va tahlillar orqali ko‘rsatib berishgan. Buning uchun ular 30 dan ortiq sohada 150 ga yaqin tadqiqotlar o‘tkazishgan, tadqiqot natijalarni tahlil qilishgan.

Mazkur kitobda "moviy ummon strategiyasi"ga erishish yo‘llari. iqtisodiy xatarlarning oldini olish usullari, raqobatchilarsiz sohalarni yaratish yo‘nalishlari haqida batafsil maʼlumot berilgan.

Ushbu qo‘llanma 3,5 million nusxada sotilib beshta qitʼada juda keng tarqaldi. Kitob shu davr ichida 43 tilga tarjima qilindi, bu esa o‘ziga xos rekorddir. Natijada "Moviy ummon” atamasi tadbirkorlik, ishlab chiqarish va biznes sohasida mustahkam o‘ringa ega bo‘ldi. "Moviy ummon strategiyasi"ga jahon miqyosida (internet, gazeta, jurnal, radio va televideniye) 400 mingdan ortiq ijobiy fikrlar qoldirilgan va bu raqamlar yanada o‘sib bormoqda.