Teodor Drayzer: Amerika Fojiasi (2 ta kitob)

Teodor Drayzerning e’tiboringizga havola etilayotgan ikki qismdan iborat yirik "Amerika fojiasi" romani hamisha butun dunyoni o‘z g‘oyalari atrofida birlashtirishga uringan gigant davlat -Amerikada o‘sha vaqtlarda yuz bergan voqelikni keng qamrab olganligi, voqealarning izchilligi bilan hamisha kitobxonlar e’tiborini o‘ziga jalb etib kelgan.

Asarning bosh qahramoni Klayd Grifits kambag‘al oilada tug‘ilib-o‘sgan yigit. Uning boylik orttirish yo‘lida qilgan nojo‘ya xatti-harakatlari, bu yo‘lda hech qanday qing‘ir ishlardan qaytmasligi va uni shunday ishlarni qilishga qo‘yib bergan tabiati - yuzsizligi, shafqatsizligi kabilar bir qahramon timsoli orqali o‘sha davr Amerika muhiti haqida o‘quvchida yaxlit tasavvur paydo qiladi.

Birinchi kitob orqali siz asarning asosiy qahramonlari bilan tanishasiz. Tabiiyki, ikkinchi kitob voqealarga, hayajonli fursatlarga yanada boy. Boylik ketidan quvgan, shunday hayotni umri davomida orzu qilgan, ammo bunday to‘kis hayotga mehnat va mashaqqatsiz erishishni orzu qilgan qahramonning ruhiy holati bilan tanisharkan, bunday taqdirga aslida o‘zi emas, uni tarbiyalagan oilaviy muhit, uni tarbiyalagan jamiyat sababchi ekanligini tushunadi.

Klayd Grifitsning elektr kursida qatl etilishi uning taqdiri bilan qanchalik bog‘liqligi, sevgi -muhabbat rishtasining bunday shafqatsiz hat ta’sirida hech qanday ahamiyat kasb etmasligi, insoniy tuyg‘ular o‘rnini egallagan qabohat o‘quvchi qalbini larzaga soladi.