Stiven King: Mergan

Zamonamizning eng mashhur amerikalik yozuvchilaridan biri, “Shuʼla”, «O‘lik hudud», «Yashil yo‘lak», «Rita Xeyvort yoxud Shoushenkdan qochish», «Chekishni tashlang korporatsiyasi» singari bir-biridan ajoyib-u g‘aroyib roman va qissalar, betakror hikoyalar muallifi Stiven King allaqachon G‘arbda o‘z o‘quvchilarini topib ulgurgan. Adibning o‘zbek kitobxonlariga taqdim etilayotgan «Qora Minora» turkumining birinchi kitobi hisoblanmish “Mergan” romanining bosh qahramoni Roland — «joyidan siljigan dunyo»dagi so‘nggi olijanob mergan. U nima bo‘lgan taqdirda ham kuch-qudrat o‘chog‘i, koinotning poydevor toshi — Qora Minorani izlab topishi kerak. Bir kun kelib bu Minorani topadi ham, lekin hozircha uning chekiga sehrgarlik ila boshqarilmish, baʼzan bizning olamimizgada eshik ochilib turiladigan dunyo bo‘ylab sayohatga chiqish yuki tushgan...