Shuxrat Ergashev, To'lqin Bobomatov: XX asr taqdirlarda aks etgan tarixi

Shuhrat Ergashev, To'lqin Bobomatov, | "XX asr taqdirlarda aks etgan tarix"

Yer yuzida insoniyatning tinch va osoyishta kun kechirishi qanday omillarga bog‘liq? Jahon mamlakatlarining taraqqiyoti-chi? Dunyo siyosatining qay o‘zanga evrilishiga qanday voqealar sabab bo‘ladi? Mazkur kitobda mualliflar XX asr davomida dunyo siyosatida katta o‘rin tutgan shaxslar, yana-da aniqrog‘i – o‘zining vayronkor yoki bunyodkor xatti-harakatlari bilan tarix sahifalaridagi inqiroz yoxud yuksalishga sababchi bo‘lgan taniqli insonlar haqida batafsil maʼlumotlar berish orqali ana shu savollarga javob topishingizga yordam berishadi. Shu maʼnoda ushbu kitob dunyoni anglash, insoniyatning kecha va bugunini qiyoslashda muhim ensiklopedik manba bo‘la oladi. Tarix va siyosat, fan va madaniyat, sivilizatsiyalar xususida atroflicha bilimga ega bo‘lasiz. Insoniyat tarixida alohida o‘rin tutgan XX asr kechmishi va jahon siyosati sir-asrorlari kaftingizdagi kitobda mujassam ekani mutolaaga bo‘lgan zavqingizni sahifadan sahifaga orttirib boradi.