Shaymo Chekiji: Darslar oramizni buzolmaydi

Farzandingizda dars tayyorlash uchun ishtiyoq yetishmayaptimi, dars stoliga kelib o‘tirishga qiynalyapti, dars tayyorlashga o‘tirganida ham diqqatini jamlay olmayaptimi? Yoki vazifalarni bajarishni istaydi-yu, lekin vaqtini to‘g‘ri taqsimlashi qiyin bo‘lyaptimi? Siz esa "Darsingni tayyorla!", "Uy vazifalaringni bajar!", "Testlarni yechgin!" deyaverib holdan toydingizmi? Yoki aksincha, farzandingiz dars stolidan umuman bosh ko‘tarmayaptimi? Ushbu sahnalardan qaysi biri sodir bo‘lishidan qatʼiy nazar vazifalar, imtihonlar va darslar farzandlar bilan birga ota-onalarni ham xavotirga soladi. O‘rtalaridagi munosabatning darz ketishiga sabab bo‘ladi. Bolalar kun o‘tgani sayin xohishsiz, beparvo, horg‘in va qayg‘uli shaxslarga aylanib boraveradi.

Ushbu kitobni qo‘lga olganingizga qaraganda, siz ham farzandi va uning kelajagi uchun tashvishlangan, shu sababli nima qilish lozimligini surishtirgan, izlanuvchan, qiziquvchan ota-onasiz. Avvalo, ushbu masalada biror yechim bormikan deya chora izlaganingiz bilan sizni tabriklayman. Ushbu kitob ota-onalik vazifangizni mukammal ado etishda yordamchingiz bo‘lishini tilab qolaman.