Sanjar Xo‘ja: Qadam

"Qadam" - shunchaki tavsiya yoki tarjima asar emas, u tom ma’noda bir insonning "men"ini topguncha bo‘lgan uzun va mashaqqatli yo‘lning tafsiloti, ro‘baru kelingan holatlarni izohlovchi hayotiy faktlar hamda misollar yig‘indisidir.

Agar siz bugun o‘zingizni o‘zgartirmoqchi yoki qaysidir maqsadingizga erishmoqchi bo‘lsangiz, ishni ushbu kitob mutolaasidan boshlang. Ishonamizki, ko‘nglingizning qaysidir burchagidan yashirin savollarga javob topasiz. Qachondir to‘qnash kelganingiz va qaysidir sabab bilan sizni chekinishga majbur qilgan muammo ko‘z oldingizda bo‘y ko‘rsatadi. Bilmagan narsalarni aylanib o‘tishmas, o‘rganib,muammolarni hal qilib, keyingi maqsad sari oldinga yurish vaqti keldi. Ishoning !

Kitob yozish, aslida juda mas’uliyatli istak. Agar u insonning o‘zligini taftish qilish, ruhlantirishga yo‘naltirilgan bo‘lsa, yanada ko‘proq mas’uliyat yuklaydi. Muallif bilimdan tashqari hayotiy tajriba, sinalgan muvaffaqiyatli usullar asosida fikrlarini bayon qilishi kitob qimmatini yanada oshiradi.