Salim qori Qodirov: Ayolni e'zozlagan din

Arabistondagi johiliyat davrida qabila kishilari ayolga dunyoning matohi sifatida qarar, ayollar faqat uy yumushi va erkak kishining shahvati uchun kerak, deb hisoblar edilar. Oila masalasi juda og‘ir ahvolda bo‘lib, ayol kishini mol-u mulk sifatida meros qilib olish oddiy hol edi. Ayolga qilingan tahqirona munosabatlar, unga yetkazilgan turli zulmlar to‘g‘risida Qurʼoni Karim oyatlarida bayon qilingan.

Muqaddas Islom dini ayolga to‘laqonli inson sifatida qarash masalasini o‘rtaga qo‘ydi. Shuningdek, u ayol kishi ham xuddi erkak kishidek, haq-huquqqa ega ekanini eʼlon qildi. Rasululloh sollallohu alayhi vasallam bu to‘g‘risida: «Albatta, ayollar erkaklarning yorti qismidir», deb marhamat qildilar (Imom Termiziy rivoyati).

Ushbu risolada aynan ayollarga nisbatan qanday munosabatda bo‘lish lozimligi dalil-isbotlar ila muzayyan qilib ko‘rsatib berilgan.