Рахматуллаев Бегзод: Первый шаг к русскому языку

Har qanday tilni o‘rganish uchun avval u til to‘g‘risida tasavvurga ega bo‘lishimiz kerak! Til 2 ta asosdan tashkil topgan:

1) Lug‘at

Rus tilida erkin muloqot qilish uchun 3000 tadan 5000 tagacha lug‘at boyligiga ega bo‘lishimiz kerak. Lekin statistika ko‘rsatadiki kundalik hayotda biz 1 kunda 300 tagacha lug‘at ishlatar ekanmiz.

2) Grammatika

So‘zlarga grammatik qo‘shimchalarni to‘g‘ri qo‘shish va gap tuzish uchun kerak. Grammatika tilning keng va chuqur o‘rganiladigan qismi. So‘zlashuv uchun grammatikani 15-20% ini bilsak kifoya..

Yuqorida aytib o‘tganimizdek rus tilida gapirish uchun juda ko‘p lug‘at yodlashimiz shart emas, muhimi yodlagan so‘zlarimizni ishlata bilish. Grammatika ko‘p qo‘llanma va kurslarda keng, batafsil o‘tiladi, garchi biz muloqotda ishlatmasak ham. Bu esa o‘quvchiga qiyinchilik tug‘diradi. Grammatikani faqat so‘zlashuv doirasida o‘rganish kerak. (15-20%)

Bugungi kunda til o‘rganishimizda muammo material yetishmovchiligida emas, balki material ko‘pligida.

Til o‘rganishni istasangiz siz 3 ta muhim asosga ega bo‘lishingiz shart!

1) Yaxshi material. [kitob, qo‘llanma, lug‘at, audio...]

2) Tartib. Darsliklarni va darslarni oylik, haftalik, kunlik va soatlik qilib, qatʼiy tartibda joylashtirib chiqing!

3) Davomiylik. Belgilangan material va tartib asosida muntazam shug‘ullaning!

Kitob mustaqil o‘rganuvchilar va rus tili kurslari uchun darslik sifatida qo‘llanilishga mo‘ljallangan.