Oltinxonto'ra Sayyid Mahmud Taroziy: Nurul Basar Fi Siyrati Xoyril Bashar sollallohu alayhi vasallam

Bu asar ulug‘ vatandoshimiz, Oltinxonto‘ra nomlari bilan tanilgan olim Sayyid Mahmud Taroziy (1895-1991) raxmatullohi alayhning qalamiga mansub bo‘lib, uni muallif o‘z vatandoshlariga atab yozganlar. Kitobning ushbu ikkinchi nashrida juzʼiy o‘zgarish bor: avvalo, matn yengil tahrir qilindi, baʼzi g‘aliz o‘rinlar silliqlandi. Shuningdek, muallifning eski bayon uslubi hozirgi tilimizga biroz yaqinlashtirildi. Masalan, “-g‘a”, “-din”, «-n» kabi qo‘shimchalar «-ga», “-dan”, «-ni». «-ning» ga almashtirildi; “ul” - “u”, «alar» “ular”, “erdi” - «edi>>, «o‘lub» - “bo‘lib”, «ko‘b» - “ko‘p”, «hozirg‘i» “hozirgi”, «qilung‘on» - “qilingan”, «topqon» - “topgan”, «yuzinda» - “yuzida” deb o‘zgartirildi va hokazo. Boshqa barcha o‘rinlarda matnning asl holati saqlab qolindi. Siyrat mutolaasi barchamizga muborak bo‘lsin!