Muhammad Amin Yildirim: Nikoh axloqi

Oila degan tushuncha o‘z maʼnosini yo‘qotib borayotgan ayni davrda jamiyatimizdagi muammo va kamchiliklar ildizi qidirilsa, har qanday ziyrak inson anglay oladiki, oilalarimiz maʼrifat o‘chog‘i degan sharafli nomdan anchayin yiroqlashib ketdi...

Nikoh bu xayr - yaxshilik deydilar, biroq zamona zayli bilan nikoh ko‘pchilik uchun o‘ziga xos bir «front maydoniga» aylanib qolgandek...

«Muhtasham axloq» kitobining «Nikoh axloqi, bo‘limida oila mustahkamligi yo‘lida eʼtiborga olish lozim bo‘lgan ishlar go‘zal tarzda yoritib berilgan. Nikohdan so‘ng va yangi bir oila ostonasida ilk oylarda boshlanadigan sinov-imtihonlar, kelin-qaynona, kuyov-qaynona, qaynota munosabatlari, solih va soliha er-xotinlik masalalari yuzasidan atroflicha so‘z yuritiladi.

Ushbu kitob har qanday o‘quvchiga nikoh vakolat emas, burch ekanligi, undan soyasiz kunda so‘ralishini, Mehribon Robbimiz bu maqomni huzur va sakinat olishimiz uchun tuhfa etganini, biroq oilamiz huzur maskani yoki uning aksi bo‘lishiga o‘zimiz sababchi bo‘lishimizni yana bir bor his ettira olishiga ishonamiz!