Leonid Andreyev: Yahuda Iskariot

"Yahuda Iskariot" qissasi nashr etilishi bilan juda ko‘p bahslarga sabab bo‘lgan asar. Bir guruh fikr bildirganlar asarni osmonga ko‘tarsalar, ikkinchi guruh uni ayovsiz ravishda yerga urardi. Eng qizig‘i, yozilganiga 100 yildan oshganiga qaramay bu bahs hali-hanuz to‘xtagani yo‘q.

Asar Iso Masih va uning shogirdi Yahuda munosabatlari, Yahudaning xiyonati haqidagina emas, aslida bir insonning ikkinchi bir insonga qilgan qabohati haqidadur. Qissadagi xiyonat talqini, tabiiy ravishda, bu mavzuda yozilgan boshqa asarlar talqinidan farq qiladi. Yana aytish lozimki, qissada Andreyevning butun ijodiga xos qirra: voqealarni qora ranglarda aks ettirish ham yaqqol ko‘zga tashlanadi.