Kerolayn Kriado Peres: Ko'rinmas ayollar

Butun dunyo ayollar huquqlari himoyachisi, hozirgi kunda jahon bo‘yicha 100 nafar katta nufuzga ega ayollar qatoridan o‘rin olgan Kerolayn Kriado Peresning "Ko‘rinmas ayollar" kitobi - yetti yoshdan yetmish yoshgacha bo‘lgan jamiyatning barcha qatlami o‘qishi zarur hisoblangan kitobdir, desak, mubolag‘a bo‘lmas.

Kitobda muallif tibbiyot, mehnat gigiyenasi va xavfsizligi, transport, zamonaviy texnologiyalar, soliq tizimi, siyosat, falokatlar chog‘ida yordam ko‘rsatilishi kabi qariyb hayotning barcha jabhalarida ayollar ehtiyojlari qay darajada inobatga olingan yoki olinmaganini mavzuli tadqiqotlar orqali tahlil qiladi, gender maʼlumotlar tanqisligini jonli misollar orqali isbotlaydi. Turli sohalarga bag‘ishlangan xar bir bob yakunida umumiy xulosaga kelinadi - dunyoda juda ko‘p tizimlar ayollarga noqulay qilib yaratilgani, ularning istaklari, ehtiyojlari, organizmi va hayot tarzining o‘ziga xosliklari haqida yetarlicha axborot mavjud emasligi haqida bayon etiladi. Butun dunyoda ayollar va erkaklar teng huquqlarga ega bo‘lgan sharoitda umrguzaronlik qilmoqda, deya bong urilayotgan bir paytda muallif hayotga, atrof-olamga yangicha nazar tashlashga undaydi