Imom Abu Yusuf Ya'qub ibn Ibrohim Kufiy: Kitob al-xaroj

"Kitob al-xaroj" islom taʼlimotidagi hanafiy mazhabi bo‘yicha bitilgan ilk yozma manbalardan hisoblanib, musulmon yozma anʼanasining bizgacha yetib kelgan bebaho yodgorligidir. Asarda islom dinidagi soliq tizimi keng maʼnoda yoritib berilgan, shuningdek, yerdan foydalanish va unga ishlov berish, suvdan foydalanish, xalqaro tashqi siyosat, boshqa din vakillari bilan munosabatdagi bag‘rikenglik, jamiyatdagi axloqsizlik va jinoyatlarga barham berish kabi muhim masalalar tahlil qilinib, ularning yechimi bayon etilgan. Asardagi har bir masala naqliy dalillar - Qurʼoni karim oyatlari va hadislar bilan asoslanib keltirilgani va izohlangani mazkur kitobning hanafiy mazhabi taʼlimotida tutgan o‘rnini yana-da oshiradi. Kitobdan islomshunos, dinshunos, tarixchi, huquqshunos, siyosatshunos kabi mutaxassislar va keng kitobxonlar ommasi foydalanishlari mumkin.