Ibn Kasir: Qissasul anbiyo (4ta kitob)

Islom olamida Ibn Kasir nomi bilan mashhur bo‘lgan Hofiz Ibn Kasir rahmatullohi alayhi ilmiy, ijodiy faoliyati davomida fiqh, kalom va tafsir ilmlariga oid o‘nlab asarlar bitganlar. Xususan, 8 jilddan iborat «Tafsirul Qur’onil azim» nomli tafsir kitobi hamon ahli ilm uchun muhim qo‘llanma bo‘lib kelmoqda. Shuning uchun ham mashhur olimlardan biri Dovudiy rahimahulloh: «Ibn Kasir olim va hofizlarning ulug‘i hamda mufassirlarning suyanchig‘idir», deydilar.

Darhaqiqat, qo‘lingizdagi to‘rt jilddan iborat «Qissasul anbiyo» kitobi ham diniy ilm tadqiqotchilari uchun qimmatli manbadir. Kitobda payg‘ambarlar (alayhimussalom) tarixi, u zotlarning bosib o‘tgan ibratli va mashaqqatli hayotlari Qur’on karim oyatlari va muborak hadislar asosida bayon qilingan. Ulug‘ payg‘ambarlarning ajib qissalarini o‘qir ekansiz, inson tabiatining, ruhiyatining naqadar murakkab ekanini anglagandek bo‘lasiz.