Holid Ertug‘rul: Qalbingni sohibiga taslim et

Har inson dunyoga gunohdan forig‘ holatda keladi. Bu maʼsumlikni bolalarning pok chehralarida osongina ko‘rish mumkin. U balog‘atga yetgunicha davom etadi va keyin javobgarlik boshlanadi. Inson gunohlari bilan yuzlashadi. Gunoh qalblarni tirnaydigan narsa bo‘lib, inson yuragi gunohdan bezovta bo‘ladi. Ilk bor yolg‘on gapirgan yoki ichkilik ichgan kishi qalban siqilishni his qiladi, ammo bu gunohni qilishda davom etgani sayin qalb his qilishni yo‘qotadi. Boshlanishida qildek og‘irlikni ham ko‘rsatadigan zargar tarozisi singari bo‘lsa, gunohga botgan sayin zalvarli yukka ham eʼtiborsiz bo‘lib qoladi.