Alloh subhonahu va taoloning kalomi Qurʼoni karimni butun fasohati bilan, barcha qonun-qoidalariga rioya etgan holda o‘qishga harakat qilish oliy ilohiy amr. Shunga ko‘ra, har bir mo‘min-musulmon uchun o‘ta masʼuliyatli va savobli bu amal o‘rganuvchidan alohida mehr-ixlosni, zarur darajadagi bilim va mahoratni talab qiladi. Bular esa o‘z-o‘zidan hosil bo‘lmaydi. Qurʼoni karimni Musʼhafdagidek o‘qishni o‘rgangandan keyin uni yo‘lboshchi, dasturulamal bilib, uning xulqi bilan xulqlanish, oyati karimalari orqali doimo Alloh zikrida bo‘lish uchun imkon qadar yod olish ham juda muhim sanaladi. Bu yo‘lda yuksak diqqat-eʼtiborli bo‘lish, sobitqadamlik zarur. Qo‘lingizdagi kitob muallifi ushbu masalalar bobida maslahat va tavsiyalari bilan siz, o‘quvchilarga yordam berish niyatidadir.