Gulnora Abdurahmonova: Inson resurslarini boshqarish

Inson resurslarini boshqarish kitobining yangi ikkinchi nashri inson resurslarini boshqarishning ganday amalga oshirilishini tushuntirishga qaratilgan. Siz qanday lavozim yoki martabaga intilishingizdan qat'i nazar, inson resurslarini boshqarish amaliyotini tushunishingiz, faoliyat yuritayotgan tashkilotingiz va shaxsiy muvaffaqiyatingizni ta'minlash uchun muhim ahamiyatga ega.

Inson resurslarini boshqarishda ish o'rinlarini tahlil qilish va loyihalash, rejalashtirish, potensial xodimlarni jalb etish, munosiblarini o'qitish va rivojlantirish, faoliyat natijalarini baholash, mehnatiga ko'ra mukofotlash va nihoyat ijobiy mehnat muhitini shakllantirish kabi samarali boshqaruv va HR sohasiga asos soluvchi ko'nikmalar o'zlashtiriladi.

Darslik korxona va tashkilotlar boshqaruvchilari va xodimlari, kadrlar xizmatida ish yurituvchi xodimlar, inson resurslarini boshqarish ta'lim yo'nalishi mutaxassisligi professor-o'qituvchilari va talabalari, umuman inson resurslarini boshqarishga qiziquvchi barcha kitobxonlarga mo'ljallangan.

Kitob yordamida shu savollarga javob topish mumkin:
• Kim, qanday ishga yollanadi?
• Insonlarni nima uchun va qanday boshqariladi?
• Jamoada ijobiy muhit yaratish muhimmi?
• Ragʻbat yoki jazo: xodimlar aslida qanday baholanadi?
• Samarali mehnatni tashkil qilish va muvaffaqiyatga erishish yoʻli qanday?
• Xodimdan yuqori koʻnikmali mutaxassis, isteʼdod egasini tayyorlash sanʼati: kim bundan koʻproq manfaatdor?

Muallif Gulnora Abdurahmonova iqtisodiyot fanlari doktori, Toshkent davlat iqtisodiyot universiteti inson resurslarini boshqarish kafedrasi professori, ilmiy ishlar va innovatsiyalar bo‘yicha prorektor lavozimida faoliyat yuritib kelmoqda. Kitob tushunishga oson boʻlishi uchun rasmlar bilan boyitilgan, har bir boʻlim oxirida olingan bilimni mustahkamlash uchun savollar mavjud. Kitob uchun oldindan buyurtma berish mumkin, oldindan buyurtma berganlarga birinchilardan boʻlib yetkazib beriladi!