Faxriddin Zamon: Ko'sem

Ko‘sem Sulton (ayrim manbalarda Mohipaykar Sulton nomi bilan ham yuritiladi) oltmish bir yillik umri davomida (1590-1651 yil) Usmoniylar saltanati tarixida o‘chmas iz qoldirgan, o‘ttiz yildan ortiq Volidai Sultonlik maqomini boshqargan nufuzli ayollardan biri sifatida tilga olinadi. Kelib chiqishi, millati, nasl-nasabi haqida aniq maʼlumotlar yo‘q. Taxminlarga ko‘ra Ko‘sem yunon millatiga mansub bo‘lgan va uning haqiqiy ismi Anastasiya ekanligi aytiladi. 15 yoshli Anastasiya qul sifatida sotib olinib, Istambulga olib kelingan. Shundan so‘ng uning butun hayoti Usmoniylar saltanati taqdiri bilan bog‘lanib ketgan. Sulton Ahmet bilan o‘rtalaridagi muhabbat esa hamon tillarda doston bo‘lib kelmoqda.