Mini-pechlar

Mini-pechlar: xususiyatlari, tanlash mezonlari

Agar oshxonangizdagi plitada bug‘xona (duxovka) mavjud bo‘lmasa, unda elektropech sizga judayam kerak. Mohiyatiga ko‘ra, u – keng funksiyalar to‘plamiga ega bo‘lgan, alohida turuvchi haqiqiy duxovkadir. Uni istalgan qulay joyga o‘rnatsa bo‘ladi, asosiysi – rozetkaga yaqin bo‘lsa bas. Bunday mini-pech pazandalik tajribalari uchun keng yo‘l ochib beradi. Unda shirinliklar, ragu, pishiriq, pitssa, qandolat mahsulotlari va boshqa ko‘plab narsalar tayyorlashingiz mumkin.

Elektropechlarning afzalliklari

Ushbu texnika jihozi quyidagi ustunliklarga ega:

• Bir tekisda intensiv isitish – naychali isitish tizimining oqilona joylashgani evaziga buning imkoni bor. Gaz shkaflaridan farqli ravishda, elektr pechlarida qizdiruvchi elementlarni tepada ham, pastda ham o‘rnatish mumkin. Bunday jihozlanuv qaynoq havoning butun kamera bo‘ylab bir tekis taqsimlanishini ta’minlaydi.
• Ko‘pfunksionallik – elektropechlar gazda isitiluvchi variantlardan ko‘ra ko‘proq imkoniyatlarga ega. Bu texnika konveksiya, gril, o‘zini tozalash, muzdan eritish va boshqa funksiyalar bilan jihozlangan.
• Oddiy boshqaruv – taom pishirish uchun masalliqlarni tayyorlab, elektrik pech kamerasiga qo‘yish, vaqtni belgilash va rejimni tayinlash kifoya.
• Xavfsizlik – elektroduxovkalarda ochiq alanga bo‘lmaydi. Binobarin, undan foydalanish ham xavfsiz. Uning tuzilishida har bir detal puxta o‘ylangan, bu esa ortiqcha qizib ketishning va elektr tarmog‘iga haddan ortiq yuklama solishning oldini oladi.
• Nafislik – bu moslamalar ko‘rkam va o‘ziga xos dizayni bilan ajralib turadi. Ular istalgan interyerga moslashib ketaveradi.

Elektrik pechka qanday tanlanadi

Ushbu maishiy texnikani tanlashda uning o‘lchamlarini va ish kamerasining hajmini hisobga olish kerak. Quyidagi hajmlarga ega elektroduxovkalar ommalashgan:

• 42 litrlik;
• 50 litrlik;
• 60 litrlik.

O‘lcham va hajm oshxona maydonini va oila a’zolari sonini inobatga olgan holda tanlanadi. Masalan, 42 litrlik mini-pech ixchamroq xonadonlarga ideal tarzda mos keladi. 1–2 kishilik oilaga shuning o‘zi yetarli. Agarda oshxonangizda joy bemalol bo‘lsa, unda 60 litrlik modelidan tanlasangiz bo‘ladi. U nafaqat ko‘p miqdorda taom pishirishga yordam beradi, balki haqiqiy pazandalik durdonalarini tayyorlash uchun ko‘plab imkoniyatlarga ham ega.

Uy uchun elektroduxovka tanlashda, o‘lchamlaridan tashqari, quyidagi parametrlarini ham inobatga olish darkor:

• Quvvati – bu ko‘rsatkich 1.5-4.5 kVt orasida, o‘rtacha holatda – 2.5 kVt bo‘ladi. Qisqa muddatda kamerani 220–270 darajagacha qizdirish uchun shu yetarli. Baquvvat elektropech 500 darajaga qadar isishi mumkin. Biroq bunday rejim ovqat pishirish uchun emas, balki o‘zini tozalash uchun qo‘llanadi.
• Energiya sarflash toifasi – bu jihat elektrni qanchalik xarjlashini ko‘rsatadi. Aksariyat zamonaviy mini-pechlar A toifasiga mansub, ya’ni ular elektr energiyasini tejamkorlik bilan ishlatadi.
• Boshqaruv usuli – rejimlar almashinuvi va haroratning o‘rnatilishi uchun aylanma relelar, tugmachalar va sensorlar mas’ul bo‘ladi. Mexanik pereklyuchatelli variantlar arzonroq turadi. Sensorli panel elektroduxovka narxini ancha oshiradi, lekin ular haroratni bir darajagacha aniqlikda o‘rnatish imkonini beradi.

Mini-pechlar funksiyalari

Mazkur qurilmaning qiymati ko‘pincha uning imkoniyatlariga bog‘liq bo‘ladi. Asaxiy internet-do‘konida quyidagi xususiyatlarga ega mini-pechlar taqdim etilgan:

• Konveksiyali – orqa devoriga ventilyator o‘rnatilgan, natijada qizdirilgan havo butun kamera bo‘ylab aylantiriladi. Bu esa bir tekisda pishishni ta’minlaydi.
• Pitssa rejimli – konveksiyani va pastdan kuchli qizdirishni ko‘zda tutadi. Shuning evaziga xamirdan qilingan asos yaxshi pishib yetiladi.
• Grilli – u go‘sht va baliqni pishirishga mo‘ljallangan. Tayyorlash jarayonida masalliqlar yuzasida ishtahani qitiqlovchi qatlam yuzaga keladi.
• Isitish funksiyali – bunday elektroduxovka sovib qolgan taomlarni tezda isitib berishga qodir. U mikroto‘lqinli pech vazifasini qisman bajaradi.
• Muzdan eritish funksiyali – bunda haroratni oshirmasdan, havo sirkulyatsiya qilib beriladi. Mazkur dastur muzlatilgan masalliqlarni eritishdan boshqa maqsadlarda ham qo‘llanadi. U achitqili xamirni oshirishda, meva-sabzavotlar va ko‘katlarni quritishda ham foydali. Ayrim mini-pechlarda har xil mahsulotlarning muzini eritish uchun turli dasturlar ko‘zda tutilgan.
• Mikroto‘lqinli pech funksiyali – bunday texnika magnetron bilan jihozlangan. U biryo‘la ikkita moslamaning o‘rnini bosadi, shuning evaziga taom pishirish yoki tezda isitish, masalliqlarni muzdan eritish imkoni bo‘ladi.

Elektrik pechlarning qo‘shimcha ta’minoti

Bu texnika turli taomlar tayyorlash, isitish va masalliqlarni muzdan eritish dasturlaridan tashqari ham ayrim jihatlarga ega. U foydalanishda qulaylikni oshiruvchi bir qator qo‘shimchalar bilan ham ta’minlangan bo‘lishi mumkin. Asaxiy katalogida quyidagi kabi elektropechlar taqdim etilgan:

• Vertelli – u go‘shtning, baliq yoki parranda go‘shtining katta bo‘lagini avtomatik tarzda aylantirib turadi, natijada ular oshpazning aralashuvisiz bir tekisda pishadi.
• Ichi yoritiluvchi – u pishirish jarayonida eshikni ochmasdan taomni kuzatib borish imkonini beradi. Bu aksessuar issiqlik yo‘qotilishining oldini oladi.
• Displeyli – pishirish rejimi va vaqti ekranda aks etadi.
• Avtomatik o‘chuvchi – belgilangan vaqt o‘tishi bilan elektroduxovka o‘chadi, bu haqda ovozli signal beradi. Mazkur funksiya xavfsizlik va qulaylikni oshiradi.
• Suriluvchan taglikli – teleskopik aniqlikdagi yo‘naltiruvchilar tufayli buning imkoni bor. Oshpaz tovaga teginmasdan taomning tayyorlik darajasini tekshira oladi, bu esa kuyish xavfini kamaytiradi.

Mini-pechlarning dizayni va brendlari

Maishiy elektr jihozi – bu interyerning bir qismidir, shuning uchun xarid payti korpus rangiga ham e’tibor qaratish kerak. Quyidagi tusli modellar talabgir:

• oq;
• qora;
• qizil;
• zanglamas po‘lat rangi.

Ishlab chiqaruvchi katta ahamiyatga ega. Qurilma tarkibiy qismlari hamda ularning terilish sifati unga bog‘liq. Asaxiy internet-do‘konida siz jahonga mashhur quyidagi brendlarning elektropechlarini xarid qilishingiz mumkin:

• Asel;
• Saturn;
• Panasonic;
• Beko.

Elektrik pechga buyurtma berishdan avval siz uning batafsil tavsifi hamda fotosuratlari bilan tanishib chiqishingiz mumkin. O‘zbekiston bo‘ylab yetkazib berish bir necha kun ichida amalga oshiriladi. Toshkentda esa bu jarayon bir kungina vaqt oladi. Eltib berish shartlari haqidagi batafsil ma’lumotni saytdagi tegishli bo‘limdan olishingiz mumkin.