Bir kunda o'qish mumkin bo'lgan 4 badiiy kitob

Badiiy kitoblar hayotimiz va dunyoqarashimizga ijobiy taʼsir qiladi. Ayniqsa ular qiziqarli voqealar rivojiga ega boʻlsa, undanda yaxshi. Chunki badiiy asarlar sizni qahramonlar dunyosiga olib kiradi.

Quyida qiziqarli, bir kunda oʻqish mumkin boʻlgan badiiy kitoblarni keltirib oʻtamiz:

1. Den Braun: Ibtido

Bu asar 2017-yil oktyabr oyida AQSHda chop etilishiga qaramay, 2 oy ichida dunyoning 30dan ortiq tiliga tarjima qilindi va dunyo bessellerlari sirasiga kirgan hisoblanadi.

“Ibtido” — amerikalik muallif Den Braun qalamiga mansub triller asar boʻlib, Robert Lengdon seriyasida “Inferno”dan keyingi beshinchi kitob hisoblanadi. Asar voqealari asosan Ispaniyada, qisman Dubay va Budapeshtda yuz beradi. 2018-yil Avgust oyida asar “New York Times”ning eng yaxshi sotilgan kitoblar roʻyxatidan birinchi oʻrinni egallagan.

2. Mario Pyuzo: Choʻqintirgan ota yohud mafiya sardori

Amerikalik mashhur adib Mario Pyuzoning “Choʻqintirgan ota yoki mafiya sardori” romani siyosiy asarlarning klassik namunasi sifatida maʼlum va mashhur. Muallif mazkur kitobida amerikalik hamda sitsiliyalik mafiyachilarning kirdikorlarini, ularning siyosiy arboblar, qonun himoyachilari bilan aloqalarini toʻla-toʻkis ochib bergan.

3. Devid Nikolls: Bir kun. Bir muhabbat tarixi

Toʻrt yil bitta universitetda oʻqigan ikki inson kelib-kelib bitiruv kuni tanishib qolishi mumkinmi? Albatta, axir charx Emma va Deksterning yoʻllarini aynan shunday gʻaroyib tarzda kesishtirdi. Taqdir ular uchun atagan bu kun, toʻrtburchak qalpoqlar osmonga otilgan, diplomlar tantanali topshirilgan kun katta hayotning boshlangʻich nuqtasi boʻldi. Bitiruvning ertasi ‒ 15-iyul esa Emma va Deksterni yanada kuchli bogʻlagan, visol va firoqni birlashtirgan moʻjizaviy sanadir. Yanagi yil bu sanada nimalar yuz beradi? Undan keyingi yillardachi? “Bir kun” nomli film uchun asos boʻlgan ushbu kitob ikki qahramonning har yili 15-iyulda nimalarni boshdan kechirishini tasvirlaydi.

4. Deniyel Kiz: Eljernonga atalgan gullar

“Ishonarli, hayajonga soluvchi va yurakni larzaga keltiruvchi asar”. – Nyu-York Times

“Yurakni larzaga keltiruvchi mohirat asari… Joʻshqin... Inkor qilib boʻlmas qadar haqiqiy”. — Baltimor San

Deniyel Kizning “Eljernonga atalgan gullar” asari AQSHda adabiyot boʻyicha maktab dasturiga kiritilgan kitoblardan biridir. Asar 1966-yilning eng zoʻr romani deb topilgan, “Nebula” va “Hyugo” mukofotini olgan.

Bu kitoblarni siz qiziqarli va hayajonli boʻlganligi uchun mutolaasini boshlashingiz yetarli, tugatmasangiz toʻxtamaysiz.

Biz bu kitoblarga yoqimli chegirma e’lon qildik, yagona to'plamda 179 000 so'mdan xarid qiling.

• Buyurtmangiz O'zbekiston bo'ylab bepul yetkaziladi.

• Chegirma "Asaxiy Books"ning Toshkent shahridagi do'konlarida ham amal qiladi.

• Chegirma muddati: 26.11.2023

• Narxlar faqat shu toʻplam uchun xaridga amal qiladi.