Xiaomi xuddi iPhone 14 Pro kabi tirqishli ekranga ega Civi 2 smartfonini taqdim etdi

Xiaomi Civi 2 modeli AMOLED-ekran, Qualcomm Snapdragon 7 Gen 1 chipi, 4500 mA/soatlik akkumulyator hamda Hello Kitty motivlaridagi maxsus versiyaga ega.

Yangi qurilmaning AMOLED-ekrani diagonaliga 6,55 dyuym keladi, tasvir aniqligi 2400×1080 piksellik. Displeyda kadr yangilanish chastotasi 120 gerslik, maksimal yorqinligi – 1000 nit. Barmoq izi skaneri ekran ostiga joylangan, displeyning tepa qismidagi tirqishda esa ikkita old kamera mavjud. Ularning har biri 32 megapiksellik bo‘lib, bittasi keng burchakli (avtofokusi ham bor), ikkinchisi esa ultrakeng burchakli (qamrov burchagi 100 daraja).

Bosh kameraning asosiy datchigi 50 MPlik (Sony IMX766), ultrakeng burchaklisi — 20 MPlik (Sony IMX376K, ko‘rish burchagi 115 daraja), makro s’yomka datchigi — 2 MPlik. «Kamera» ilovasi soniyasiga 30 kadrlik maksimum 4K formatli video yozib olishga qodir.

Smartfon Qualcomm Snapdragon 7 Gen 1 protsessori, 8 yoki 12 GBlik tezkor va 128 yoxud 256 GBlik ichki xotiraga ega. Akkumulyator sig‘imi 4500 mA/soatlik bo‘lib, quvvatlash blogidan 67 vattlik tezkor zaryadlana oladi.

Standart modellaridan tashqari, Xiaomi bu smartfonning Hello Kitty motivlaridagi maxsus versiyasini ham chiqarmoqda. Bu telefon 5000 mA/soatlik tashqi akkumulyatorga ega bo‘lgan Hello Kitty Custom Lipstick Power Bank chemodanchasida yetkazib beriladi. Uning jamlanmasida to‘g‘nag‘ich, qo‘g‘irchoq, sumkacha va boshqa aksessuarlar ham bor. Bunday to‘plamning narxi hozircha noma’lum.