2022-yilda eng koʻp sotilgan TOP 5 smartfonlar

Xabar qilinishicha, iPhone 13 va iPhone 13 Pro Max modellari 2022-yilning birinchi choragida eng ko‘p sotilgan smartfonlar ro‘yxatida ilk ikki qatorni egallagan. Ushbu axborot IDC tahlilchisi Fransisko Heronimo tomonidan taqdim etilgan bo‘lib, u 2022-yilning dastlabki choragida eng ko‘p sotilgan beshta smartfon haqidagi ma’lumotni ulashdi. Yana bir Apple telefoni ushbu ro‘yxatda to‘rtinchi o‘rinni band etdi. Qolgan – uchinchi va beshinchi o‘rinlar Samsung telefonlariga nasib qildi. Biroq Heronimo tomonidan tarqatilgan ma’lumotlar ushbu smartfonlarning sotilish miqdori bo‘yicha haqiqiy raqamlarni o‘z ichiga olmaydi.

Heronimo bu ma’lumotni Twitter’da e’lon qildi, unga ko‘ra, 2022-yilning ilk choragida smartfon bozorida iPhone 13 birinchi o‘rinni egalladi. Undan keyin 6,7 dyuymlik displey bilan iPhone 13 Pro Max kelayotir. Shu bilan birga, 6,1 dyuym ekranli iPhone 13 Pro to‘rtinchi pog‘onani egallashga muvaffaq bo‘ldi, bu esa Apple xaridorlari biroz kattaroq ekran uchun qo‘shimcha pul to‘lashga tayyor ekanliklarini ko‘rsatmoqda.

Tvitda shuningdek, ushbu chorakda iPhone 13 sotuvi hajmi 42 milliard dollarni tashkil etganini ham ta’kidlanadi. Xabar qilinishicha, bu raqam jami iPhone sotuvlarining 84 foiziga to‘g‘ri keladi. Apple, yuk tashish yetishmasligiga qaramasdan, o‘tgan yilgi (oktabr-dekabr oylaridagi) mavsumdan so‘ng o‘z sotuv dinamikasini saqlab qoldi. Kupertinolik kompaniya ushbu davr mobaynida 71,63 milliard dollarlik iPhone sotganini e’lon qildi.

Boshqa tomondan, Samsung hamyonbop Galaxy A12 va Galaxy A32 smartfonlari bilan 3 va 5-o‘rinlarni egallagan. 2022-yilning birinchi choragida ushbu smartfonlarning umumiy savdosi Janubiy Koreyaning texnologik gigantiga 3,6 milliard dollar olib keldi.