Shopping terapiya: odatiy xariddan yoqimli xarid sari

Oʻzim uchun xarid qilayotgan chogʻimda dunyo goʻzalroq, yorqinroq tuyiladi, soʻng esa qorongʻilik… Keyin yana yorqinlikni his qilish uchun navbatdagi xaridga otlanaman.

Bu satrlar koʻplarning qalbidan chiqayotgan boʻlsa, ajab emas. Har birimiz qaysidir maʼnoda shopogolikmiz. Barchamizga yoqimli xaridlar yoqadi. Lekin muammo shundaki, biz doim ham odatiy xaridni yoqimli xaridga aylantira olmaymiz. Xoʻsh, yoqimli xarid nima? Yoki qanday xaridlar biz uchun yoqimli boʻladi?

Xarid – xavotir hissini yoʻqotib, gʻam-tashvish va tushkunlikka qarshi samarali vositadir. Shopping-terapiya bu yosh-u qariga birday ijobiy taʼsir qiladigan davolovchi usul.

Xaridning yoqimli boʻlishi bir qancha omillarga bogʻliq. Har birimizning xarid quvvatimiz turlicha, ammo barchaga xarid oldidan muayyan narsa: vaqt va pul lozim. Mana shu ikki omilning maqbul omixtasi xaridimizning yanada yoqimli tus olishini belgilaydi.



Bizni baxtli etuvchi xaridga yetarli pulimiz hamyonda oʻz navbatini kutmoqda, ammo sevimli doʻkonimiz bizga chegirma yoki qoʻshimcha taklif bilan chiqsa, baxt gormonlari yanada faollashib, toʻlaqonli mamnunlik his qilamiz. Tejab qolingan pullarga esa, katta ehtimol bilan, yaqinlarimizga ham ajoyib hadyalar olamiz. Bu esa bizning aʼlo kayfiyatimizni yanada uzoqroq muddat davom etishini kafolatlaydi. Shu bois ham mijozlar, ham savdo kompaniyalari chegirmalarga alohida urgʻu berishadi. Bu ikki tomonlama foydali taklif boʻlib, sotuvchilar doimiy mijozlarining koʻnglini ovlash payida mutassil izlanadilar, xizmatdan mamnun xaridorlar esa yangidan yangi xaridi orqali shopping-terapiyani qoyilmaqom uddalashadi.

Yoqimli xaridning ikkinchi asosiy omili, shubhasiz, vaqt hisoblanadi. Ogʻir ish haftasidan soʻng oʻzingizni xursand qilmoqchisiz, biroq oilangiz ham sizning dam olish kuningizni kutib reja tayyorlashgan. Bir tomonda siz hafta mobaynida kutgan xarid vaqti, ikkinchi tomonda esa oilaviy goʻzal sayr. Koʻplarda tarozining ikkinchi pallasi ogʻir kelib, oilani tanlaydi va bu toʻgʻri qaror aslida. Sababi zoʻrgʻa yetib kelgan dam olish kuningizni doʻkonlarni kezgan holda oʻzingizni yana charchatib hamda ertasi kuni horgʻin holatda ish haftasini boshlash u qadar ham aqlli qaror emas.

Yoki boshqa bir vaziyatni tasavvur qilaylik. Uzluksiz ishlayapsiz va nihoyat bugun oylik maoshini oldingiz. Anchadan buyon rejalab qoʻygan xaridingizni amalga oshirish uchun bozorga yoʻl oldingiz. Afsus, savdo tugash arafasida: juda tor tanlov qarshisidasiz yoki tanlovning oʻzi yoʻq. Xafa boʻlishga arzigulik holat. Bunday vaziyatlarda vaqt puldan ham muhim oʻringa chiqib qoladi. Sizni tanlovlar oldida qiyin ahvolga solmaslik uchun internet-doʻkonlar tun-u kun xizmatingizda. Ular oddiy xaridning yoqimli xaridga aylanishi uchun astoydil izlanmoqda. Birinchi keysni eslaylik, siz oilangiz bilan ajoyib tushlik hozirladingiz, bolalaringiz bilan sayr qilib uyga qaytdingiz va ostonangizda sizni yoqimli xaridingiz kutib turibdi. Ajoyib oʻramda, aynan siz istagan vaqtda yoqimli xaridingiz sizni kutmoqda. Sekin, ammo maroq bilan uni ocha boshlaysiz, siz istagan kitobga qoʻshilib ajoyib xatchoʻp sevimli doʻkoningizdan sovgʻa sifatida yuborilgan. Baxt gormonlari ham risoladagiday ishlamoqda. Qanday yoqimli! Yoki ishdan charchab chiqib, uyga keldingiz va internet-doʻkonlarga “shoʻngʻidingiz”. Ulardan biri jozibador chegirmalari bilan sizni oʻziga rom etdi. Buyurtma berasiz va yaxshi kayfiyat bilan qahvangizni ichishda davom etasiz. Eh, bularni xayol qilish ham yengil yoqimli kayfiyat uygʻotadi, aslida. Sizga yoqimli xarid kuni tilab, sevimli doʻkonimdagi chegirmalar tomoshasini boshlayman.

Eslatma: Xalqaro xarid kuni munosabati bilan Asaxiy.uz internet doʻkoni 10-, 11- va 12-noyabr kunlari uchun jozibador chegirmalar hamda ajoyib sovgʻalar hozirlagan. Hozir boʻling va yoqimli xarid imkonini qoʻldan boy bermang.

Dilbar Haydarova